terça-feira, 18 de dezembro de 2012

Inan Soe Oan Iha Tasi-Tolu “Asu Han Sorin”

.

Jornal Timor Post - Tersa-feira, 18 Dezembru 2012 

Inan ida soe ninia bebe ne’ebe sei anju iha Tasi-Tolu, animal (asu) han tiha bebe ne’e nia sorin. Fonte negosiante roda tolu iha Tasitolu haktuir ba Jornalista sira katak, akontesementu inan hamate oan nee iha Domingu (16/12) kalan. 

Tuir kronolijia, inan husi Distritu Ermera ne’e hahoris bebe refere iha Domingu tuku 16:00 Otl iha nia hela fatin Tasi-Tolu, depois nia buti mate tiha ninia oan ba soe tiha iha fatin halai motor (Arena Kroser) Tasi0Tolu. 

 “Ema nia inan hahoris bebe ne’e iha tuku haat loraik depois nia inan aman ba hotu to’os, nune’e kalan nia buti mate tiha mak ba soe,” haktuir negosiante roda tolu ne’ebe vizinu ba suspeitu. 

 Ho akontesementu ne’e, komunidade Tasi-Tolu kontaktu kedas ba responsavel Juventude iha Bairu tasi-Tolu hodi kontaktu Polisia Nasional Timor Leste (PNTL) atu buka tuir suspeitu no foti labarik ne’ebe mak inan soe hela. 

Nune’e, iha Domingu kalan, Polisia to’o kedas iha fatin akontesementu no konsege ba suspeitu nia uma atu intrega an maibe, tanba suspeitu ne’e nia kondisaun saude la diak, tanba ne’e Polisia foti deit labarik bebe ne’ebe mak asu han tiha balun. Iha parte seluk, komandante investigasaun kriminal, Calistro Gonzaga hateten, agora dadaun sei halo hela’o hela prosesu investigasaun ba kazu ne’e.
,

Sem comentários:

Publicar um comentário

Nota: só um membro deste blogue pode publicar um comentário.