segunda-feira, 17 de dezembro de 2012

“Kazu Auto-Estrada, Leandro Isak Livre”

.
Leandro Isaac
Jornal Independente - Segunda-feira, 17 Dezembru 2012 

Tribunal foti ona desizaun hodi absolve kazu autoestrada ne’ebe envolve husi eis deputadu husi bancada PSD Leandro Izak. 

Prosesu julgamentu ne’ebe preside husi Juiz Duarte Tilman foti desizaun hodi absolve kazu ne’ebe Ministeriu Publiku (MP) halo akuzasaun hasoru Leandro Izak kona-ba krime denunsia kaloniaza ho pena prizaun tinan tolu tanba durante prosesu julgamentu Tribunal rasik la hetan evidensia ne’ebe forte hodi bele halo kondenasaun. 

 “Hau husu deit ba sidadaun hotu katak, ita hotu hanesan iha lei nia okos, labele hanoin katak, hau ema boot livre husi justica, ida ne’e laloos,” hateten Leandro hafoin remata prosesu julgamentu iha Tribunal Dili, sesta foin lalais ne’e. 

Nia dehan, kazu ne’e MP mak halo akuzasaun fo informasaun ba iha media katak, ajudus ne’ebe mai husi nasaun Kwait iha tempu Governasaun FRETILIN hodi halo auto-estrada hahu husi Batugade to’o Lautem la konsege realiza tanba ajudus hirak ne’e lakon mout iha tempu ne’eba. 
.

Sem comentários:

Publicar um comentário

Nota: só um membro deste blogue pode publicar um comentário.