terça-feira, 18 de dezembro de 2012

“Kondenada Lucia Lobato Seidauk Tama Kadeia”

.

Jornal Nacional Diario - Tersa-feira, 18 Dezembru 2012 

Servisu investigasaun Kriminal (SIK), Policia Nacional Timor Leste (PNTL), to’o oras ne’e dadauk seidauk kaptura kondenada Lucia Lobato hodi tama kadeia, tanba sei hein mandatu kapturasaun husi Tribunal. 

 “To’o agora ami seidauk hetan autorizasaun sobre mandatus, portantu informasaun sira ne’e ami foin mak rona husi ita boot sira, mas ita seidauk iha autorizasaun husi tutela para atu halo aksaun alegasaun ho detensaun ne’e seidauk,” esplika komandante serviso investigasaun kriminal (SIK), Superetendente Calistro Gonzaga ba Jornalista segunda (17/12) iha Kuartel jeral PNTL Kaikoli, Dili. 

Tuir Calistro, slusaun ikus ba iha prosesu ne’e mak detensaun, notifikasaun labele hakfodak, ida ne’e desizaun ikus mak ne’e. Iha parte seluk, defensor ba kondenada Lucia Maria Brandao Lobato, Sergio Hornai, deklara katak, to’o agora nia parte seidauk hatama dokumentus rekursu extraordinario ba Tribunal Rekursu (TR), tanba sira sei prepara dokumentu no sei estuda kazu ne’e durante loron 30 mak sir abele hatama rekursu extraordinario ba iha TR. 
.

Sem comentários:

Publicar um comentário

Nota: só um membro deste blogue pode publicar um comentário.