sexta-feira, 28 de dezembro de 2012

“Korupsaun Buras Tanba Justisa Fraku”

.

Jornal Timor Post - Kinta-Feira, 27 Dezembru 2012 

Vigario Parokia Imaculada Conceicao Balide Padre Mateus Afonso hateten, justisa kontinua fraku iha Timor-Leste hodi haburas korupsaun ne’ebe hahu husi familia ba to’o instituisaun governu no privada. 

“Ohin loron ita koalia kona ba korupsaun, hau hakarak fo hanoin deit katak iha ne’ebe kuandu ema sunu fugeti barak sira ne’e mak naok ten klase satu,” Pe. Mateus liu husi ninia homilia ba selebrasaun misa Natal loron, tersa (25/12) iha Igreija Parokia Balide Dili. 

Vigario Mateus hatutan, korupsaun ne’e la’os mai de’it husi ema riku sira, maibe mai mos husi ema kiik sira. Tanba ne’e mak dala barak sira ne’ebe sunu fugeti ne’e naok fila fali inan aman nia osan hodi ba sosa fugeti, dala ruma mos sira ne’e halo kon kali kon ho loja no instituisaun ne’ebe fo lisensa hatama fugeti. 

 “Sira naok tiha depois kuandu inan aman baku malu sira halo finji la hatene tiha, nune’e mos balun servisu dadaun tenta halo korupsaun tun sa’e liu husi proposta sira, tanba ne’e mak iha hare estadu no governu bandu ona atu la sunu fugeti maibe ema kontinua sunu, purtantu korupsaun mosu husi buat ki’ik ba to’o iha buat bo’ot sira,” Pe. Mateus hateten. 

Nia hatutan,” Justisa maromak nian hakarak buat seluk maibe interpreta ema nian halo tuir fali ninia hakarak. Ho nune’e, realidade hatudu sarani Timor oan barak hakarak liu mak nakukun nian duke naroman nian,” Hau halo finji Natal tinan ida ne’e la selebra iha kalan atu nune’e hau bele haree iha misa rai hun mutin 25 dader, maibe faktus sarani gosta liu misa kalan par abele hamrik iha nakukun laran,” dehan nia. 

Hahalok sira hanesan ne’e, tuir Vigario Mateus katak, tinan-tinan ema nunka hakribi nia sala, ne’e laiha sentidu, tanba amu lulik la’os imi nia atan para kontinua rona imi nia sala ne’ebe hanesan deit, lolos sarani tenki iha konsensia, tanba konfesa sala katak, hakribi sala hodi la kohi halo sala tan.
.

Sem comentários:

Publicar um comentário

Nota: só um membro deste blogue pode publicar um comentário.