quinta-feira, 6 de dezembro de 2012

“Leandro Isaac Ameasadu Kadeia”

.
                       

Jornal Timor Post - Kinta-feira, 06 Dezembru 2012

Ministeriu Publiku liu husi Prokurador Vicente Brites alega eis deputadu Partidu Sosialista Demokrata (PSD) Leandro Isac ho pena abstratu tinan tolu, tamba komete krimi denunsia clauniozo tuir artigu 285 kodigu prosesu penal.

Alegasaun Ministeriu Publiku hasoru arguidu tanba produsaun testamunha durante julgamentu no deklarasaun husi Primeiru Ministru na’in rua Mari Alkatiri ho Jose Ramos Horta laiha provas katak sira nain rua pratika krimi.

Antes alegasaun, liu husi audensia julgamentu ne’ebe dirizi husi juis Duarte Tilman, Prokurador Vicente Brites no advogado Jaime Leite rona uluk sasin husi eis Sekretariu Estadu Planeamentu do Territorial iha Governu FRETILIN, Joao Baptista Fernandes Alves haktuir lanu rehabilitasaun Jardim palasiu Governu tama iha nia kompetensia.

Maibe tanba osan ba projeitu reabilitasaun mai husi eis Ministru Negosiu Estranjeiru Jose Ramos Horta no altura ne’eba atual Primeiru Ministru Mari Alkatiri hafoin bele deside kompania ne’ebe atu halo reabilitasaun.

Entaun, hafoin diskusaunparte sira desidi prosesu rehabilitasaun Jardin palasiu Governu liu husi sistema Single Source, hodi desidi fo kompania Australianu ida maka kaer obra no hetan supervizaun mak halo husi empreza Timor.

“Hau mos iha konesementu oituan sobre projeitu auto estrada mak hanesan Dili ba Aileu sei kaer husi kmpania japonese ida, estrada fronteira no ponte lima iha teritoriu Timor leste sei kaer husi
komunidade Europeia, Auto Estrada Com Mai Dili seidauk iha kompania maibe tama ona planu governu nian,” dehan nia liu husi audensia Julgamentu, Tersa (04/12) iha Tribunal Distrital Dili.

Entertantu, parte defeza husu ba Tribunal atu absolve arguidu husi pena ne’ebe Ministeriu Publiku alega, tanba nia kliente la merese atu hetan pena refere no Timor Leste adopta sistema demokrasia maka ema hotu iha diretu atu hato’o opiniaun publiku.

Hafoin rona alegasaun husi Ministeriu Publiku, Tribunal desidi leitura sentensa sei realiza iha loron 14 Dezembru 2012, tuku 14:30 lokraik.

Alegasaun hasoru arguidu tamba halo deklarasaun ba media liu husi Jornal Nacional Diario iha 2010 hodi akuza Mari Alkatiri ho Ramos Horta simu subornu husi Governu Kuwait ba projeitu auto estrada Com ho Mota Ain, kazu ne’e rejistu iha Tribunal Distrital Dili ho Numeru prosesu 433/2011TDD.
,

Sem comentários:

Publicar um comentário

Nota: só um membro deste blogue pode publicar um comentário.