quarta-feira, 12 de dezembro de 2012

“Lere Baruk Ona Ko’alia Ho CPD-RDTL”

.

Jornal Timor Post - Kuarta-feira, 12 Dezembru 2012 

Xefi estadu maior F-FDTL, Major Jeneral Lere Anan Timor deklara baruk ona koalia ho gurpo CPD-RDTL no hein desizaun Governu no Parlamentu nasional hodi halo atuasaun. 

“Ema CPD-RDTL ne’e, ema politiku, hau mos baruk ona atu koalia ho sira, agora ami hein deit desizaun husi governu no Parlamentu Nasional (PN), karik Governu fo sai desizaun, ami ezekuta deit ona,” dehan Lere ba jornalista sira, iha Kuartel jeneral F-FDTL, Fatuhada Dili (11/12). 

 Agora dadauk F-FDTL servisu hamutuk ho Polisia Nasional Timor Leste (PNTL) no hein hela desizaun husi governu no Parlamentu Nasional para halo atuasaun ba CPD-RDTL ne’ebe mak oras ne’e konsentra iha Distritu manufahi, sub Distritu welaluhu. 

“Iha kuarta semana kotuk (05/12), hau ba welaluhu hodi hasoru malu ho komunidade no grupu CPD-RDTL sira, hau ba ne’e rona deit sira, Primeiru hasoru komunidade sira dehan lakohi simu CPD-RDTL atu hela iha ne’eba, depois hau ba hasoru fali CPD-RDTL sira lakohi sai husi fatin neeba, ida ne’e mak kontradisaun, hotu-hotu lakohi, maibe hau hatete ba CPD-RDTL katak, imi mai iha fatin ne’e illegal tanba la tuir dalan no la husu lisensa autoridade lokal sira,” dehan Lere. 

Iha fatin hanesan komandi jeral Polisia Nasional Timor Leste (PNTL) Komisariu Lnguinhos Monteiro hateten katak, kestaun CPD-RDTL hein rezolusaun husi Governu no parlamentu nasional. 
.

Sem comentários:

Publicar um comentário

Nota: só um membro deste blogue pode publicar um comentário.