sexta-feira, 14 de dezembro de 2012

Lucia Lobato Tama Kadeia Tinan 5 “Xanana: Sala Tenki Tama Kadeia”

.

Jornal Timor Post - Sesta-feira, 14 Dezembru 2012 

Primeiru Ministru Kay Rala Xanana Gusmao hateten, nia la interven prosesu rekursu ne’ebe Tribunal Rekursu fo sai ba kazu Eis Ministra Justica Lucia Lobato, nia dehan, sala tenki tama kadeia. 

 “Hau la tak fatin ba nia (eis Ministra Justica Lucia Lobato), Tribunal atu lori nia ba to’o ne’ebe de’it nia rasik mak hatan, se Tribunal dehan nia sala hatama ba nia kadeia,” informa PM Xanana ba Jornalista sira iha Palasiu Prezidenti Nicolau Lobato, Bairu-Pite, Dili, kinta (13/12). 

“Hau kuandu hanesan uluk memebru governu barak ba iha ne’ebe deit ba hatan iha Tribunal, haul abele halo komentariu tanba, ne’e jusi sira nia kompetensia ona,” nia esklarese. 

Arguidu Lucia Lobato iha fulan hirak liu ba simu pena tinan 5 husi desizaun primeiru instransia, bazeia ba faktus hatudu arguidu involve iha krimi partisipasaun ekonomis. 

 Eis Ministra Justica IV Governu Konstitusional ne’e simu ona desizaun difinitivu, tanba ne’e, nia sei ba kumpri nia sala iha prizaun Gleno durante tinan 5 no selu indeminizasaun ba estadu ho valor U$ 4.325. 

Nune’e mos eis Diretor nasional Aprovizionamentu Ministeriu Justica Antonio Araujo Freitas sei kumpri mos tinan 5 kadeia iha sela Prizaun Becora inklui mos selu indeminizasaun ba estadu ho valor U$ 52.377,14. 

Tuir informasaun ne’ebe diariu ne’e asesu iha Tribunal Distrital Dili katak, kopia rezultadu rekursu inklui mos despaisu husi Tribunal Rekursu, tama ona iha kinta (13/12) meudia, tan ne’e, Tribunal Distrital hein atu halo ezekusaun ba desizaun refere.
.

Sem comentários:

Publicar um comentário

Nota: só um membro deste blogue pode publicar um comentário.