quarta-feira, 12 de dezembro de 2012

Nino Konis Santana Lider FRETILIN Ba Dala Ikus “Vizita CCF Ba Dala Ikus”

.

Jornal Independente - Kuarta-feira, 12 Dezembru 2012 

Comite Central FRETILIN (CCF), iha loron Kuarta (12/12), sei simu mate-ruin Saudozo Nino Konis Santana ne’ebe hanesan mos lideransa FRETILIN bad ala ikus, ne’ebe mate iha Mertutu, distritu Ermera, iha loron 11 Marsu 1998. 

Komandante Konis assume kargu nu’udar Sekretariu do konsellu da FRETILIN iha tinan 1993, hafoin Militar Indoensia kaptura Mauhunu Bulerek karatayano ne’ebe assume kargu Sekretariu do Konsellu da FRETILIN hahu husi tinan 1987, molok despartidirizasaun FALINTIL husi FRETILIN. 

Aleinde kargu ne’e, Konis mos assume kargu hirak hanesan Chefe do Konsellu Politico-militar, orgaun ne’ebe komanda luta, faz parte husi Etadu Maior da FALINTIL no Consellu Directiva da FRETILIN, Sekretariu do Consellu Exkutivu dq luta Frente Armada (CEL/FA), no sai mos nudar Sekretariu do CEL/FA, hafoin kery laran Sabala’e lakon. Liu husi komunikadu ne’ebe jornal ne’e asesu husi CCF katak, FRETILIN sei simu mate-ruin Komandante Nino Konis Santana iha Kuarta (12/12) iha sede CCF mai husi Mertutu, Ermera. 

Hafoin simu, durante kalan ida tomak sede CCF sei loke ba publiku atu fo omenazen ba eroi boot Timor Leste ne’e. “Lider FRETILIN dala ikus, Konis mate iha Mertutu-Ermera iha 11 Marsu 1998,” katak karta ne’e. iha kinta, (13/12), tuku 9 dader FRETILIN sei halo serimonia solene hodi fo omenazen ba saudozo komandante Nino Konis Santana. 

Ida ne’e sai hanesan vizita ba dala ikus husi lideransa ikus FRETILIN ne’e ba CCF molok lori ba ninia moris fatin, tutuala, Distritu Lautem.
.

Sem comentários:

Publicar um comentário

Nota: só um membro deste blogue pode publicar um comentário.