sexta-feira, 28 de dezembro de 2012

PM Xanana Hasai Surat Despaixu; “PNTL Distritu Manufahi Prende Transporte Estadu”

.

Notisia Husi TVTL - Kinta-Kalan, 27 Dezembru 2012 

Polisia Distritu Manufahi prende motorizada Governu 24 bo kareta 2 bazeia ba despaixo Primeiru Ministru. 

Transporte Estadu nian sei la uza iha loron feriadu kuandu laiha gia de marca husi Ministeriu. Haree ba folin konbustivel ne’ebe sa’e maka’as, Primeiru Ministru Kay Rala Xanana Gusmao hasai surat despaixo ba Polisia hodi halo check poin ba transporte estadu hodi labele uza iha tempu feriadu. Komandante Polisia interinu Distritu Manufahi Joao da Costa hateten, durante loron feriadu Polisia sei halo check point ba kualker transporte estadu ne’ebe halo movimentu sein iha gia de marca husi ministeriu tamba Polisia hala’o Orden husi Xefi do Governu. 

“Komando PNTL Distritu Manufahi hala’o operasaun kona ba kareta estradu no motorizada estadu bazeia ba despaixo Primeiru Ministru hodi hala’o Check Point ne’ebe uza iha tempu feriadu no fora husi oras servisu nian,” dehan komandante PNTL Distritu manufahi. 

Durante hala’o check point, Polisia konsege prende motorizada estadu 24 ho kareta 2 inklui kareta administrador Sub Distritu Alas ne’ebe plat kotuk no oin hasai hotu no laiha gia de marca hodi halo serviso iha tempu feriadu. 

Pior liu tan, kuaze iha kareta Estado barak maka kondutor sira uza ba Distritu iha loron feriadu, plat sira hasai hotu hodi nune’e komunidade sira labele hatene, programa ida ne’e mak kontinua implement para bele redus orsamentu ba konbustivel.
.

Sem comentários:

Publicar um comentário

Nota: só um membro deste blogue pode publicar um comentário.