quarta-feira, 5 de dezembro de 2012

“PN Ezize Governu Rezolve Problema Ai-Moruk Iha Hospital”

.

Jornal Independente - Kuarta-feira, 05 Dezembru 2012 

Parlamentu Nasional Timor-Leste husu ba Governu, liuliu Ministeriu saude atu rezolve problema aimoruk ne’ebe derepenti mamuk iha Ospital Nasional Guido Valadares, Dili. 

Tersa Horseik (04/12), diario ne’e publika katak, familia pasiente no pasiente ne’ebe halo tratamentu iha Hospital Nasional Guido Valadares Dili, lamenta tanba sira lori reseita husi dotor hodi sosa ai-moruk iha Klinika. 

 Membru Komisaun F Virgilio Hornai hatete, Ministeriu saude tenke buka rezolve imediata tamba falta aimoruk laos akontese iha hospital nasional deit maibe akontese mos iha ospital distritu inklui sub Distritu. 

 Tuir nia, situasaun falta aimoruk, PN sujere ba Ministeriu Saude atu koalia ho Primeiru Ministru hodi rejolve. Kona ba aimoruk kada tinan la sufisiente, tuir deputadu husi bancada PD ne’e katak, Politika jestaun serviso Autonomu Medikamentu no Ekipamentu saude (SAMES) iha responsablidade tomak atu responde medikamente ba aimoruk. 

Nune’e, nia husu ba Ministeriu saude, liuliu SAMES atu halo planu diak, atu nune’e povu ne’ebe moras labele sente falta aimoruk. 
.

Sem comentários:

Publicar um comentário

Nota: só um membro deste blogue pode publicar um comentário.