quinta-feira, 6 de dezembro de 2012

“Portu Naval Ameasa Ro Maritima”

.

Jornal Timor Post - Kinta-feira, 06 Dezembru 2012 

Vise xefe Estado maior jeneral FALINTIL-Forsa Defesa Timor-Leste (F-FDTL) Filomeno de Jesus Paixao husu ba Sekretariu estadu Defeza no Ministru defeza atu fo atensaun seriu ba kondisaun Portu naval Hera tanba, fo ameasa boot ro Maritima F-FDTL nian atu aranka. 

 “Portu ne’e la dun diak, ro sadere fatin la iha no infra-estrutura atu halo manutensaun bar o mos laiha entaun kleur-kleur ro ne’e bele mout,” informa Filomeno Paixao ba Jornalista sira iha Metinaro, Kuarta (5/12). 

 Konstrusaun ba infra-estrutura portu naval ne’ebe ho kondisaun la dun diak, oras ne’e dadaun prezudika tebes aktividade komponente Naval nian. 

 Maibe Filomeno Paixao kontinua hus ba, nia soldadu sira atu pasiensia no tenke fiar noa rona malu hodi kontinua halao servisu ba oin nafatin, liu-liu halao serviso iha tasi laran. Maske konsidera kondisaun portu la diak, maibe nia fiar katak iha tinan oin Governu liu husi Sekretariu Estadu Defeza no Ministru Defeza sei fo atensaun hodi hadia diak lu tan portu refere. 

 “Ne’e duni hau husu ba soldadu sira atu fiar mai ami no ami mos fiar ba Governu katak, sei hadia portu Naval ne’e ho diak iha tempo oin mai,” dehan Filomeno Paixao.
.

Sem comentários:

Publicar um comentário

Nota: só um membro deste blogue pode publicar um comentário.