quinta-feira, 20 de dezembro de 2012

“Posiblidade Ramos Horta Sai Embaixador ONU Ba Guine Bissau”

.

Jornal Independente - Kinta-feira, 20 Dezembru 2012 

Eis Prezidenti da Republika no diplomata senior Dr. Jose Ramos Horta sei sai embaixador Nasoens Unidas (ONU) ba Guine Bissau hodi rejolve konflitu ne’ebe akontese iha nasaun membru CPLP ne’e. 

“Semana seluk mak ita koalia, hau hein desizaun sekretariu Jeral Nasoens Unidas (Banki Moon) nian iha tempu badak,” dehan eis Prezidenti no eis diplomata ne’e ba Independente (19/12). 

Ramos Horta dehan, agora tempu seidauk oportunu atu nia koalia maibe iha tempu besik nia sei informa ba publiku kona ba nia programa no objetivu ne’ebe sei halo iha Guine Bissau bainhira hetan desizaun husi ONU. 

 Diplomata senior Timor oan, uluk iha tempu funu, nia assume kargu nuudar Ministru negosiu Estranjeiru Timor Leste iha ONU hodi hakilar kona ba problema Timor Leste. 

 Depois Timor Leste hetan nia independensia iha 1999, Ramos Horta sai Ministru negosiu estranjeiru, hafoin krizi 2006 asume kargu nuudar Primeiru Ministru no iha eleisaun 2007 Ramos Horta eleitu ba Prezidenti da Republika periodu 2007-2012. 
.

Sem comentários:

Publicar um comentário

Nota: só um membro deste blogue pode publicar um comentário.