quarta-feira, 12 de dezembro de 2012

PR Taur Rekoinese; “Nino Konis Santana Lider Armada, Lider Klandestina no Lider FRETILIN”

.

Notisia Husi TVTL - Segunda-Kalan, 10 Dezembru 2012 

Prezidenti da Reublika hateten, Nino Konis Santana lider boot ne’ebe didika an tomak ba ukun rasik an, Konis Santana hanesan lider Frenti Armada no Frenti Klandestina. 

Prezidenti da Republika Taur Matan Ruak hato’o kestaun ne’e, bainhira partisipa iha serimonia kee ruin Saudozo Nino Konis Santana iha Mertutu, Ermera. Prezidenti da Republika hateten Nino Konis Santana hanesan lider nasional ida ne’ebe fo nia vida tomak atu hetan independensia nasional maibe, nia labele asiste Timor nia ukun rasik an. 

“Fatin ida ne’e fatin istoriku no lider Nino Konis Santana lidera Frente rua, Frenti Armada no Frenti klandestina, nia mos hanesan lider FRETILIN ne’ebe husik hela nia alin sira,” dehan Taur Matan Ruak. 

 Nune’e mos Prezidenti Partidu FRETILIN Francisco Guterres Lu-Olo afirma katak, Nino Konis Santana ho komandante sira seluk iha kumprimisiu ida deit hodi lori Timor Leste ba independensia nasional. 

“Ho interese para atu lori maibe interse para mate atu lori rai ida ne’e ba independensia, ho sofrementu ida ne’e mak fo viazen iha momentu ida ne’e, Nino Konis santana ho soldadu sira hotu ne’ebe mate tamba rai ida ne’e, iha tinan barak nia laran Nino Konis Santana nia mate sai testamunha boot ida, atu sai hanesan lider nasional ida, para aliende FRETILIN nian maibe mo slider nasional tamba nia hatene hakuak povu tomak,” dehan Lu-Olo. 

Saudozo Nino Konis Santana assume kargu hanesan lider ba Frenti Armada no Frenti klandestina, familia Saudozo husi Tutuala sei hodi restu mortais ba Tutuala iha loron 12 fulan Dezembru no sei entrega ba Governu iha loron 18 Dezembru hodi haloot iha Jardim dos Herois iha Metinaru.
.

Sem comentários:

Publicar um comentário

Nota: só um membro deste blogue pode publicar um comentário.