segunda-feira, 17 de dezembro de 2012

Problema CPD-RDTL Iha Welaluhu “PM Xanana Sei Bolu Aitahan Matak”

.

Jornal Nacional Diario - Segunda-feira, 17 Dezembru 2012 

Primeiru Ministru (PM) nudar mos Ministru Defeza no Seguransa, Kay Rala Xanana Gusmao sei bolu lider maximu CPD-RDTL Antonio Aitahan Matak hodi deskute hamutuk, nune’e rezolve tiha problema ne’ebe akontese entre komunidade Welaluhu ho grupu CPD-RDTL. 

PM Xanana haktuir, kazu ne’e husi Konsellu Ministru entrega ona ba Ministeriu Defeza Seguransa oinsa atu bele rezolve, basa Komunidade Welaluhu sira lamenta ho atetude membru CPD-RDTL ne’ebe ba halo akampamentu iha fatin ne’eba, hodi halo sira nia animal hanesan karau no Bibi sira fuik hotu. 

Tanba ne’e mak iha loron kuarta (12/12), Ministru Defeza seguransa halo enkontru ho ninia Sekretariu estadu Defeza no Seguransa inklui Xefe Estado Maior Jeneral Lere Anan Timor ho komandante jeral PNTL Komisariu Longuinhos Moteiro, oinsa atu trasa planu hodi ba to’o iha Welaluhu. 

 “Presidenti okupadu hela, Presidenti lembra mai hau, hau sei bolu Aitahan Matak hodi deskute diak liu tan oinsa? Nusa mak se’e sira fila ba fatin ami bele ajuda halo kooperasaun oin nusa ho buat sira ne’e hotu,” esplika PM Xanana, kinta (13/12), wainhira halo enkontru semanal ho Prezidenti Republika, iha Palasiu Prezidensial Bairo Pite, Dili, hodi hatan ba preokupasaun ne’ebe CPD-RDTL alerta katak, sei la sai husi Welaluhu, PM Xanana garante katak, kestaun ne’e sei rejolve.
.

Sem comentários:

Publicar um comentário

Nota: só um membro deste blogue pode publicar um comentário.