sexta-feira, 21 de dezembro de 2012

“Somoco Kontra NKS Hakoi Ho Memebru CCF”

.
Foto, AB
Jornal Timor Post - Sesta-feira, 21 Dezembru 2012 

 Eis Sekretariu Rejiaun IV, Jose Agustinho Sequeira ‘Somoco’ konsidera istoria rezistensia durante tinan 24 nia laran la loos, tanba saudozu Nino Konis Santana (NKS) nu’udar lider rejistensia ne’ebe nia rate hamutuk fali ho membru Comite Central FRETILIN (CCF). 

“Hakoi Konis hamutuk ho membru CCF iha Jardim Herois ne’ebe irstoria la loos ona, tanba Konis hanesan lider ida, hau ‘Somoco’ rasik la konkorda maun Konis hakoi iha ne’eba,” deklara Somoco hafoin partisipa serimonia funeral saudozu NKS iha Jardim Heroi Metinaro, Kinta (20/12). 

“Tanba fatin ida ne’ebe la’os ba lider sira, maibe ba membru CCF sira, se mak dehan iha ne’eba membru CCF mos lidera entaun nia tenki mai esplika ho hau,” Somoco kestiaona. 

Tuir responsavel reijaun IV ne’e katak, hirarkia lideransa durante tinan 24 nia laran iha ema nain 6, ne’ebe sai hanesan lider rejistensia no laiha seluk ne’ebe atu troka fali lider ne’ebe iha, hodi lori funu to’o tohan. 

 Tuir ninia hanoin, ho hanoin istoriku ne’ebe hakerek ho ran durante tinan 24 koalia kona-ba hirarkia rezistensia ninian. Nia esplika, se koalia kona-ba hirarkia lideransa ninian maka, Francisco Xavier, Nikolau Lobato no Xanana Gusmao, tuir fali kuandu kaer Xanana, Mau-Huno fali, bainhira kaer tan Mau-Huno, Konis mak kaer no ikus Konis mate no taur mak kaer. 

“Ida ne’e mak hirarkia lideransa durante tinan 24 mak ema nain neen ne’e mak kae,” dehan Sumoco. 

Tanba ne’e, Somoco deklara katak, ninia parte sei kontinua luta nafatin atu nune’e iha futuru istoria ne’e bele loos, atu bele husik buat neebe loos ba iha jerasaun foun sira atu hatene loloos. 
.

Sem comentários:

Publicar um comentário

Nota: só um membro deste blogue pode publicar um comentário.