quarta-feira, 5 de dezembro de 2012

“Tafui Oil Kesar Governu Ba Tribunal”

.

Jornal Timor Post - Kuarta-feira, 05 Dezembru 2012 

Kompania Tafui Oil kesar governu ba tribunal relasiona ho kompra e venda sobre distribuisaun mina ba EDTL, ne’ebe Governu la kumpri hodi la selu kompania durante fulan ida ho mina litrus miliaun rua

Mandatario husi parte autor (Pengugat-red) Francisco Nicolau hateten, estadu sosa mina kompania Tafui Oil durante fulan 7 ho kuantia mina hamutuk 2 milloens litrus liu uja hotu maibe governu la selu. 

 “Hau nia kliente ba koalia dala barak ho estadu atu buka meus rezolve problema refere seim liu husi tribunal, maibe tanba ema estranjeiru sira akonselha fali estadu katak lalika selu, mak ohin loron ami mai to’o Tribunal,” dehan nia ba Jornalista hafoin audensia julgamentu, Tersa (04/12) iha Tribunal Distrital Dili. 

Nicolau haktuir, prosesu refere hetan ona desizaun primeiru instansia inklui prosesu rekursu iha Tribunal rekursu deside halo akordu Governu maibe realidade hatudu, Governu lakohi kumpri desizaun tribunal nian. 

 Entertantu, Primeiru Ministru Kay Rala xanana Gusmao mos kumpriende problema refere, hodi dehan katak, kuandu estadu han ema nia sasan tenki selu, nune’e nia aprova akordu ida hodi fo tempu fulan ida ba Governu atu selu lalais ba kompania. 

Mas rejultadu ne’e hatudu mak, to’o agora Governu liu-liu Ministeriu financas, Emilia Pires mantein pozisaun hodi lakohi selu kompania Tafui Oil nia Osan. 

“Iha loron 13 Abril 2009 Xanana aprova dokumentus akordu ida, atu selu osan ne’e iha loron 8 nia laran, maibe loron ne’e liu ona mos Ministra Financas lakohi selu, tanba rona akonselhamentu husi ema internasional sira,” dehan nia. 

Mandatario ne’e hatutan katak, osan kompania ho montante 1,772,800,00 ne’e ho jurus kada fulan sae beibeik no agora besik ona atinji to’o U$ 7 milloens resin. 

Ida ne’e hatudu frakeza servisu Ministru sira nian no bele estraga osan povu nia ba selu tusan. Liu husi audensia julgamentu ne’ebe lidera husi Juiz kolektivu Duarte Tilman, Antonio do Carmo, Paulo Teixeira. 

 Mandatariu parte rua reprejetante husi prokurador Jose Luis Landim no mandatariu parte autor reprejetante husi advogado Francisco Nicolau rona mos deklarasaun sasin nain rua mak hanesan, Esi Ministra Planu das Financas Madalena Boavida no eis Diretor Nacional aprovizionamentu Ministeriu das Financas Grigorio pereira da Silva. 

 Liu husi deklarasaun ba Tribunal, sasin nain rua fo deklarasaun hanesan katak, estadu mak fo kontratu kompania mina hodi fornese mina ba eletrisidade Timor leste (EDTL), no governu iha responsablidade fo aluga kareta ba kompania sira hodi tula mina refere ba EDTL Komoro.
.

Sem comentários:

Publicar um comentário

Nota: só um membro deste blogue pode publicar um comentário.