segunda-feira, 17 de dezembro de 2012

“TR Rejeita Rekursu Extraordinariu Lucia”

.

Jornal Timor Post - Segunda-feira, 17 Dezembru 2012

Tribunal Rekursu (TR), Sesta (14/12) semana kotuk fo sai desizaun hodi rejeita prosesu rekursu eztraordinariu ne’ebe eis Minitra Justica Lucia Lobatu ho nia Defensor Sergio Hornai hatama ba Tribunal Rekursu iha loron Kinta, (13/12).

Rekursu extraordinariu ne’ebe Lucia Lobato ho nia defensor hatama ba TR ho intensaun atu husu hamenus pena ne’ebe Tribunal Rekursu tetu hodi mantein ba Lucia Lobato.

Maibe, Tribunal Rekurus estuda de’it loron ida, hatama iha kinta (13.12) no iha loron sesta (14/12) fo sai kedas desizaun katak, rejeita rekursu extraordinario husi arguido ho nia defensor hodi kontinua mantein desizaun rekursu ne’ebe fo sai ona katak, arguida tenki kumpri pena tinan lima prizaun no selu indeminizasaun ba estadu ho valor U$ 4.325,00 (Dolar Amerikanu rihun hat, atus tolu, rua nolu resin lima.

Desizaun ne’e Tribunal foti tamba produsaun testamunha prova duni arguida komete krimi pertisipasaun ekonomia no negosiu.

Entertantu, iha 11 Dezembru 2012, Tribunal Rekursu fo rejultadu rekursu ba desizaun Tribunal Primeira instansia hodi desidi mantein desizaun hodi kondena eis Ministra Justisa IV Governu Konstitusional Lucia LObatu ho pena tinan 5 kadeia no selu indeminizasaun ba estadu ho valor U$ 4,325.00.

 Nune’e mos, eis Diretor Nasional Parovizionamentu Ministeriu Justica Antonio Freitas sei kumpri mos tinan 5 kadeia iha sela prizaun becora, inklui mos selu indeminizasaun ba estadu ho valor U$ 52,377,14 (Dolar Amerikanu rihun lima nolu resin rua, atus tolu hitu nolu resin hitu, sentavus sanolu resin hat).
.

Sem comentários:

Publicar um comentário

Nota: só um membro deste blogue pode publicar um comentário.