sábado, 29 de dezembro de 2012

“Tribunal Aplika Termus de Rezidensia Ba Arguida Lucia Lobato”

.

Notisia Husi TVTL - Sesta-Kalan, 28 Dezembru 2012 

Tribunal Distritu Dili kontinua aplika termu de identidade rezidensia ba arguida Lucia Lobato hodi hein rekursu inkonstitusionalidade ne’ebe arguida aprejenta ba Tribunal de Rekursu. 

Hafoin arguida Lucia Lobato detein kalan ida iha Sela Polisia Distritu Dili, Sexta feira ne’e kontinua halo primeira interogatoriu iha Tribunal Distritu Dili. 

Xefe prokurador Distritu Dili Jose Ximenes esplika kona ba razaun halo kapturasaun ba arguida Lucia Lobato. 

“Halo revizaun ba medida asaun ne’ebe Tribunal aprejenta tiha ona husi TIR, ohin bazeia ba ita nia pedido datadu 22 husu para altera medida kuasaun TIR ba prizaun preventiva, maibe konforme desizaun Tribunal ninian, husu para atu fo deit medida kuasaun husi aprejentasaun no hela deit iha nia rejidensia (Hela fatin), entaun pronto, ida ne’e maka desizaun Tribunal ninian, atu informa deit katak, desizaun ida ohin ne’e sei hein hela arguido ninia rekursu humanidade ne’ebe sei halo hela, mesmu ke tuir Ministeriu Publiku katak, loloos ne’e rekursu inkonstitusionalidade ne’e labele impede ezekusaun pena, maibe desizaun Tribunal hasai tiha ona, ami husu prizaun peventiva maibe Tribunal fo sai dehan hela iha nia reizdensia, ohin ne’e so para hare nia revizaun deit, kaer nia ne’e tamba orden de Tribunal la’os orden Ministeriu Publiku, tamba Tribunal ohin desidi halo revizaun ba medidas kuasaun” dehan Jose. 

Hatan ba desizaun ne’e, Arguida Lucia Lobato hateten, nia pronto halo tuir lei ne’ebe aplika ona hodi hein desizaun final husi Tribunal Distritu Dili. 

“Juis desidi katak, laiha provas, laiha evidensia bah au atu halai, Juis deisdi katak atu mantein ou hela iha uma, permanensia iha rezidensia to’o desizaun ikus ne’ebe Tribunal sei foti, pronto hau hein, hau kumpri desizaun Tribunal, to’o fali bainhira mak mandatu Tribunal sai para hau kumpri sentensa ba prizaun, hau sei ba kumpri sentensa ida ne’e, ne’e hau hateten klaru katak, hau sei la halai i hau sei hakmatek hodi simu desizaun ne’ebe ohin dehan katak atu permanence iha uma, iha hau nia rezidensia hodi hein desizaun Tribunal nian ikus ne’ebe mak sai husi Tribunal de Rekursu,” dehan Lucia Lobato. 

Tuir informasaun ne’ebe husi Tribunal Distritu Dili katak, desizaun final sei foti iha tinan 2013.
.

Sem comentários:

Publicar um comentário

Nota: só um membro deste blogue pode publicar um comentário.