quarta-feira, 30 de janeiro de 2013

“Alkatiri: Governu Faila Negosiu Kadores GS”

.

Jornal Independente - Kuarta-Feira, 30 Janeiru 2013 

Sekretariu Jeral Partidu FRETILIN, Dr. Mari Alkatiri hatete, Governu ne’ebe lidera husi Primeiru Ministru Kay Rala Xanana Gusmao ‘impoten’ hodi halo negosiasaun dada kadoras Greater Sunrise mai Timor Leste. 

Akordu CMATS ne’ebe mak Governu FRETILIN halo ho Governu Australia iha fulan janeiru tinan 2006 no hetan retifikasaun husi PN iha tinan 2007 ho votus maioria afavor ne’e sei mate iha loron 23 Fulan oin maibe kadoras Greater Sunrise seidauk mai. 

Akordu CMATS ne’ebe Governu FRETILIN halo ho Australia halo ne’e hodi koalia kona ba esplorasaun mina no gas iha kampu mina Greater Sunrise no difine katak, bainhira esplora, rai rua (Timor Leste) ho Australia tenke fahe hanesan 50-50. 

“Akordu ne’e hau halo agora husik ba sira, sira mak hatene sira atu halo saida,” dehan Alkatiri iha Parlamentu Nasional (29/1). 

Maske governu rua seidauk deklara sai sira nia pozisaun kontinua ka husik mate de’it, maibe, Alkatiri dehan, se akordu ne’e mate kadoras Greater Sunrise ne’ebe maka povu TL mehi sei la mai. 

“Se akordu mate kadoras greater Sunrise la mai ona,” dehan eis Primeiru Ministru iha Primeiru Governu Konstitusional ne’e. 

Atu husik mate deit ou sei kontinua, Alkatiri dehan, ida ne’e responsablidade ba governu ne’ebe mak lidera husi Primeiru Ministru xanana Gusmao tanba sira mak kaer ukun. 

“Ne’e depende, se mak ukun tenki halo negosiasaun,” dehan Alkatiri. Entertantu, Ministru Petroliu no Minerais Alfredo Pires hatete, Timor Leste sei deklara nia pozisaun bainhira tratadu CMATS mate iha tempu besik. 

Alfredo dehan, saida deit mak sei mosu depois tratadu ne’e mate TL nia pozisaun mak kadoras Greater Sunrise tenki mai TL. “kualker momentu it abele deklara, it abele deklara 20 Maiu ou 28 Novembru konforme deit,” dehan Ministru Petroliu Minerais Alfredo Pires foin lalais. 

Nia hatutan tan katak,”Hau sei husu Primeiru Ministru xanana Gusmao para iha temu oportunutu bele koalia klaru liu tan Timor Leste nia pozisaun konaba CMATS,” dehan Alfredo. 

Maske to’o agora Greater Sunrise seidauk mai, Alfredo dehan, iha progresu lubuk ida mak hanesan. 

“Fofoun ami tama Governu ema koalia barak kadoras atu ba Australia, ita tama governu, ita lori pipeline tsforce ita (defende) obsaun ida ba Darwin (Australia) ne’e komesa dada tanba pipeline Bayu Undang ba tiha ona,” dehan Alfredo. 

 Depois kompania Woodside aprejenta opsaun Floating, maibe governu kontinua mantein kadoras mai TL i agora kompania Woodside pronto atu deskute opsaun TL nian katak, kadoras GS bele mai TL. 

“Mais agora Woodside tu’ur hamutuk ho ita, ita haree hela opsaun Timor Leste nian,” dehan Alfredo. 
,

Sem comentários:

Publicar um comentário

Nota: só um membro deste blogue pode publicar um comentário.