quarta-feira, 23 de janeiro de 2013

“Ana Pessoa: MP Investiga Ona Emilia Pires”

,

Jornal Nacional Diario - Kuarta-feira, 23 Janeiru 2013 

Prokuradoria Jeral Republika (PJR), Ana Pessoa informa katak, oras ne’e dadaun ministeriu Publiku (MP) halao hela ona investigasaun profunda ba kazu Ministra Financas, Emilia Pires ne’ebe deskonfia fo projeitu ba nia laen kaben. 

“Kazu ne’e iha ona investigasaun no ne’e segredu justica,” Ana Pessoa ba Jornalista sira, segunda (21/1), iha Palaciu Governu, hafoin hasoru malu ho Primeiru Ministru Kay Rala xanana Gusmao. 

Kazu Ministra Financas, Emilia Pires nian ne’e maka deskonfia nia fo projeitu ba nia kaben hodi sosa ekipamentu Hospital Nacional guido valadares (HNGV), ne’ebe duun mos iregularidade barak. 

Entertantu, Ministra Financas antes ne’e hateten, alegasaun ne’ebe hateten nia (Emilia Pires-red) fo projeitu ba nia laen kaben laos novidade foun ba nia tanba hahu kedan husi tempu governu anterior to’o agora nia aan sempre simu alegasaun oin-oin. 

“Hau lakohi halo komentariu barak, tempu antigu mos sira akuza hau, Komisaun Anti Korupsaun ho Ministeriu Publiku bolu hau fila-fila maibe nia rejultadu hau mos la hatene,” hateten Ministra Finansas Emilia Pires. Emilia Pires mos hateten, relasiona ho alegasaun ne’ebe mak dun nia fo projeitu ba nia laen, karik iha ona prosesu nia laran, nia pronto atu submete ba justica, tanba tuir nia la iha ema ida mak ses an husi lei nia futar oin. 

Nune’e, Deputadu husi bancada FRETILIN, Francisco Miranda Branco hateten katak, argumentu ne’ebe Ministra financas halo ne’e, hanesan defende aan deit. 

“Ida-idak buka defende aan, ne’e nia direitu, ita lalika kondena, maibe pratika ne’ebe husi desizaun hodi hamosu projeitu ne’ebe alega Ministra fo projeitu ba nia laen, to’o konkluzaun katak, viola prosesu aprovizionamentu,” deputadu Francisco esplika. 

 Francisco Branco dehan tan, kazu ne’e tenki respeita mos inusensia Ministra Financas Emilai Pires nian, antes desizaun husi tribunal, preokuasaun mak espera katak sistema justisa bele la’o los se’in intervensaun politika husi poder politiku sira.
,

Sem comentários:

Publicar um comentário

Nota: só um membro deste blogue pode publicar um comentário.