quinta-feira, 31 de janeiro de 2013

“Batar Tonelada 87 Hetan Estragus”

.

Jornal Timor Post - Kinta-Feira, 31 Janeiru 2013 

Programa “Povu Kuda Governu Sosa” husi Governu Aliansa Maioria Parlamentar (AMP) halo povu agrikultor sira sai vitima, realidade akontese, produsaun batar tonelada 87 hetan estragus iha Sub Distritu Hatoudo, Distritu Ainaro. 

Produsaun batar iha sub Distritu Hatoudo kolleta iha fulan Marsu tinan kotuk tonelada 176 maibe 87 maka hetan estragus, tanba hein Governu liu husi MTCI atu ba sosa maibe la ba, to’o agora batar ne’e kinur hotu ona tanba rai kleur, nune’e moos armazen tau batar laiha. 

Kordenador Agrikultor Sub Distritu Hatoudo Marcal da Costa bainhira hasoru malu ho TP iha Distritu Ainaro, Tersa (29/1), la menta ho programa governu nian ne’ebe taka avizu iha kuadru hodi tau iha fatin hotu-hotu Timor laran tomak dehan katak, ‘Povu Kuda Governu Sosa’ ne’e lhi de’it povu, tanba laiha realidade. 

Preokuasaun ne’e, nia husu ba Governu atu labele halo promesa no bosok de’it ba povu, tanba la realiza promesa sira ne’e, diak liu lalika bosok povu tan, tanba programa governu nian dehan ‘Povu Kuda Governu Sosa’ La klaru. Iha fatin seluk, lian hanesan mos husi Xefi Aldeia Ainaro kiik, Suku Foho Ailicio Bub, Distritu hautuodo Fidelio de Araujo katak, programa governu nian dehan, ‘Povu Kuda Governu Sosa” ne’e prosesu birokrasia ne’e mak kleur no han tempu liu. 

Aleinde ne’e, Administrador sub Distritu Hautuodo Cancio Sina hatutan, antes ne’e duresaun balun husi MTCI halo promesas atu sosa Produtu lokal, maibe la akontese. 

Agora dadaun, governasaun Bloku Koligasaun Ne’ebe forma husi Primeiru Ministru Kay Rala xanana Gusmao halakon ona instituisaun MTCI, se nune’e oinsa povu agrikultor sira nia produtu lokal ne’ebe oras ne’e dadaun rai hela.
,

Sem comentários:

Publicar um comentário

Nota: só um membro deste blogue pode publicar um comentário.