terça-feira, 29 de janeiro de 2013

“CNJTL Ho HAK Kondena Kazu Bolseiru Timor Oan Iha Filipina”

.

Jornal Nacional Diario - Tersa-Feira, 29 Janeiru 2013 

Organizasaun Massa Joventude ho naran Conselho Nasional Joventude Timor Leste (CNJTL) hamutuk organizasaun naun Govermentais HAK kondena maka’as hahalok Bolseiru Timor oan iha Filipina ne’ebe tenta halo violasaun seksual hasoru feto Filipina. 

Laos deit CNJTL ho HAK, maibe reprejetante povu iha uma fukun Parlamentu Nasional (PN) mos husu ba governu atu fo sansaun maka’as ba bolseiru ne’ebe estuda husi osan estadu nian ne’e. 

Prezidenti CNJTL Leovigildo da Costa Hornai hatete, nia parte kondena maka’as no husu tenki iha kastigu maka’as ba hahalok MAC nian, bolseiru Timor Leste ne’ebe estuda iha area turismu nian ne’ebe tenta halo violensia seksual hasoru feto Filipina. 

“Hau kondena maka’as ba aktu violensia ne’ebe mak Bolseiru Timor oan ida iha Filipina, hau respeita tomak hato’o ba nia familia, maibe ema ne’e tenki hetan kastigu maka’as maske ita ema la ses husi sala, husu atu problema hanesan ne’e tenki haruka fila kedas mai, tanba governu sei la selu ema ne’ebe ho hahalok malkriadu hanesan ne’e,” kondena Leogivildo ba JNDiario (28/1) iha salaun canosa Becora, Dili. 

Nia mos husu ba Embaixador Timor Leste iha Filipina atu buka tuir katak loos duni ka lae nia halo violasaun seksual, ou aktividade in moral, se nia halo duni merese hetan kastigu maka’as ba nia atetude ne’e. 

Nune’e mos, Directur ezekutivu Fundasaun HAK Rogerio Viegas Vicente husu ba governu hodi rekomenda kazu bolseiru MAC ne’ebe halo violasaun sidadaun Filipina nain rua iha Filipina tuir kodiku penal Timor Leste nian. 

“Hanesan Timor oan ne’ebe hetan bolsu estudu hodi ba eskola iha rai liur, kuandu komete ona krime hanesan ne’e, estadu Timor tenke foti medidas ne’ebe apropriadu hodi fo sansaun tuir mekanismu nomos prosedimentu ne’ebe ejiste,” dehan Rogerio iha nia knaar fatin (28/1). 
.

Sem comentários:

Publicar um comentário

Nota: só um membro deste blogue pode publicar um comentário.