quarta-feira, 30 de janeiro de 2013

“CPD - RDTL La Konkorda Simu $3”

,

Jornal Timor Post - Kuarta-Feira, 30 Janeiru 2013 

Konsellu Popular Defeza Republika Demokratika Timor-Leste (CPD-RDTL) la konkorda Politika Governu atu implementa programa dollar tolu ($3) ba grupu CPD-RDTL. 

“Ami atevista defende hodi dehan katak, CPD-RDTL laos prosesu nain ba dollar 3, CPD-RDTL nia papel no misaun kaer metin indepedensia baze mak agrikultor,” dehan ativista CPD-RDTL, Marito da Silva iha edifisiu Timor Post, bebora, Dili (29/1), relasiona ho planu Governu atu fo projeitu dollar 3 ba grupu CPD-RDTL ne’ebe konsentra iha suku Welaluhu, Sub Distritu Fatuberlihu, Distritu Manufahi. Ativista CPD-RDTL ne’e konfesa, CPD-RDTL iha sira nia programa rasik ne’ebe tuir prinsipiu Prezidenti Republika, Taur Matan Ruak katak, “Uluk hisik ran ba ukun-an agora hisik kosar ba moris diak”. 

 Tuir ativista CPD-RDTL katak, sira la presiza dollar tolu no lakohi atua tan ba moeda dollar tanba sira nia papel importante mak kaer metin Frente no defende soberania. Programa ne’ebe CPD-RDTL hala’o iha Welaluhu, atu kore an depedensia nasaun Timor Leste ba ai-han ne’ebe maioria importa husi rai liur. 

“Agora ita hisik kosar para goja ita nia produtu no ekonomia rasik laos isik kosar ba dollar, lakohi atan ba osan no lakohi atan ba ema seluk,” dehan Marito. 

Ezemplu ne’ebe grupu CPD-RDTL hala’o iha suku welaluhu, tuir Marito hanesan baze importante ba produsaun agrikultor ne’ebe mak serivu koletiva atu hetan rezultadu ne’ebe benefisia familia ida-idak. 

“Tuir lolos governu nia tulun trator ba Grupu CPD-RDTL, fasilita material agrikultura nian para hadia ekonomia, ami lakohi atu apoiu fali osan,” dehan Marito. 

Maske antes ne’e Governu buka maneira konvense grupu CPD-RDTL ne’ebe namkari iha teritoiu Timor Leste para tuir politika Governu nian, maibe to’o agora grupu ne’e kontinua sei defende nafatin sira nia prinsipiu. 

Grupu ne’e mos deklara katak, sira so konkorda simu de’it material agrikultura enkuantu governu hakarak apoiu sira hodi hala’o koperativa.

Nota do blogue: VIVA O CPD-RDTL!
,

Sem comentários:

Publicar um comentário

Nota: só um membro deste blogue pode publicar um comentário.