quarta-feira, 30 de janeiro de 2013

“Fulan Ida Merenda Eskolar Iha EB Manleuana Paradu”

.

Jornal Independente - Kuarta-Feira, 30 Janeiru 2013 

Besik Fulan ida ona estudante sira iha eskola Ensinu Baziku Numeru 123 Manleuana la hetan merenda eskolar. 

Diretora EB 123 Manleuana Rosa Alto informa, iha fulan Janeiru tinan ne’e estudante sira iha eskola ne’e la hetan merenda eskolar tanba Ministeriu Edukasaun la aloka orsamentu merenda eskolar nian ba eskola ne’e. 

Rosa dehan, kestaun ne’e nia parte hato’o ona ba ME maibe parte ME fo resposta katak, sira seidauk bele aloka orsamentu tanba PN seidauk aprova OJE 2013. 

“Problema ne’e ami hato’o ona ba Ministeriu Edukasaun maibe sira resposta katak, sei hein Orsamentu Jeral Estadu 2013 nian aprova maka foin aloka (osan merenda eskola) ba eskola hotu iha Timor Leste,” hateten Rosa iha Manleuana (29/1). 

Nia dehan, karik hein OJE 2013 nian entaun ME mos presija hato’o informasaun ba eskola sira iha Teritoriu Timor Leste. 
.

Sem comentários:

Publicar um comentário

Nota: só um membro deste blogue pode publicar um comentário.