quinta-feira, 24 de janeiro de 2013

“Kazu Emilia Pires, Presiza Halo Investigasaun Klean”

,

Jornal Nacional Diario - Kinta-feira, 24 Janeiru 2013

Reprezetante povu iha Parlamentu nasional (PN), husi bancada opozisaun FRETILIN, Inacio Moreira hanoin katak, kazu Ministra Financas Emilia Pires presiza investigasaun klean.

 “Prosesu ne’e hau hanoin tenki investigasaun lao ba oin, tanba los duni publiku hotu-hotu haree ho matan katak, orsamentu jeral estadu ne’e boot tebe-tebes, maibe mal jestaun mak akontese iha fatin hotu-hotu,” dehan Inacio Moreira ba JNDiario kuarta (23/1) iha Parlamentu Nasional.

Iha fatin hanesan, deputadu Francisco Branco, husi bancada FRETILIN mos hateten katak, kazu boot hanesan ne’e ema la haree ida, maibe kuandu deputadu FRETILIN sira foin sa’e deit kartea Prado, ema komesa trata. Nia hatutan, Ministra Financas Emilia Pires nia uma mos diak tiha ona, maibe Prezidenti nia Palaciu seidauk diak, eis titular orgaun soberania sira nia fatin mos seidauk diak.

“Ne’e mak hau hateten dadauk, korupsaun barbarak, miloens ba miloens ita la haree, maibe ita haree deit ba buat ida ne’ebe ema hotu-hotu haree,” tenik nia.

Nia hatutan, governu tenki mobiliza sosieade hotu-hotu atu bele halo kontrolu social, tamba Timor oan hotu iha responsablidade ba osan ne’ebe governu gasta. Antes ne’e, Prokuradoria Jeral Republika Ana Pessoa hateten, Kazu Ministra Financas.

Emilia Pires nian ne’ebe deskonfia fo projeitu ba nia laen kaben hodi hatama ekipamentu ba Hospital Nacional guido valadares, oras ne’e tama hela ona ba prosesu investigasaun.
,

Sem comentários:

Publicar um comentário

Nota: só um membro deste blogue pode publicar um comentário.