quinta-feira, 31 de janeiro de 2013

“Kompania Fa’an Projeitu”

.

Jornal Timor Post - Kinta-Feira, 31 Janeiru 2013 

Sekretariu Estadu Obras Publikus (SEOP) durante ne’e identifika ona kompania balun ne’ebe hetan tiha projeitu husi Governu depois fa’an tutan fali ba kompania seluk, atetude ne’e sei hetan black list. 

“Kompania ne’ebe mak fa’an projeitu ba fali kompania seluk, diak liu sai bisnis mak hofi fa’an na’an, roupa no seluk tan ne’ebe sira hakarak fa’an, atu labele mai husu tan projeitu iha Governu,” dehan SEPFOPE, Luis Braz Rodrigues iha nia knaar fatin, Mandarin, Dili (30/1). 

Luis hatutan, agora dadaun SEOP komesa monta ona ekipa hodi lao tuir atu haree kompania sira ne’ebe hetan projeitu husi Governu maibe fa’an tutan fali sira ne’e sei hetan black list. 

“Ba oin iha kompania ruma halo hanesan ne’e nafatin sei blacklist total, tanba tuir lei sira sei asina iha ne’e, hodi halo tuir regras obras publiku nian, tanba obra publiku laos fatin halo bisnis,” dehan nia. 

Ne’e duni, medidas ne’ebe mak SEOP foti ne’e haree ba kestaun tekniku no padraun teknika hodi fo dedikasaun humana no esperensia ba Timor oan hotu, portantu projeitu iha Dili laran barak mak seidauk ezekuta hotu no husik abandonadu hela de’it. 
.

Sem comentários:

Publicar um comentário

Nota: só um membro deste blogue pode publicar um comentário.