quarta-feira, 30 de janeiro de 2013

“Komunidade Bidau Hetan Mate Isin”

.

Jornal Nacional Diario - Kuarta-Feira, 30 Janeiru 2013 

Komunidade Bidau Suku Meti-Aut aldeia 17 Abril no Aldeia Korungulau hetan mate isin iha karon laran ne’ebe soe iha tasi ibun Bidau Metiaut, Tersa (29/1) mate isin ne’e inan feton ida n’ebe make ma kesi tiha no tau iha karon soe ba tasi. 

Luis Pereira autoridade lokal haktuir, mate isin sira hetan iha kedas tuku 10:30 OTL, husi labarik sira ne’ebe mak atu ba eskola hodi haree ba iha tasi karon ida ne’ebe deskonfia ema mak iha laran tanba husi karon ne’e mosu fuuk ema nian. 

“Hau husi kantor mai ema barak ona mak iha fatin, akontesementu ne’e labarik sira ne’ebe mak atu ba eskola liu husi tasi ibun, sira haree ba tasi laran haree fali ema nia fuuk mak sai ou namlele hela tasi nia leten, ne’e mak sira dehan, pai ne’e ema,” dehan Luis Pereira hanesan xefe Aldeia Fatukama, ba JNDiario, tersa (29/1) iha Bidau Metiaut Dili. 

Nia haktuir katak, lakleur PNTL to’o fatin akontesementu, no wainhira loke karon ne’e mak foin hatene mate isin ne’e inan feto ida, ema kesi tiha nia liman, ain, ibun futu hanesan animal mak soe ba tasi. 

 Observasaun ne’ebe JNDiario ne’e halo, seidauk iha familia ida mak konese inan feto ne’e, no agora dadaun mate isin iha ona Mortuariu Hospital Bidau Guidu Valadares, Dili.
,

Sem comentários:

Publicar um comentário

Nota: só um membro deste blogue pode publicar um comentário.