terça-feira, 29 de janeiro de 2013

La Resolve Problema GS “Governu Kansela CMATS”

,

Jornal Timor Post - Segunda-Feira, 28 Janeiru 2013 

Ministru Petroliu no Rekursu Minarais, Alfredo Pires hateten, Governu Timor Leste ho Australia kansela ona akordu kona-ba Certain Maritime Arrangement In The Timor Sea (CMATS) ne’ebe durante ne’e la susesu halo negosiasaun dada greater Sunrise (GS) mai Timor Leste. 

 “Iha 23 foin lalais ne’e Governu Timor Leste ho Australia kansela akordu CMATS seidauk deside atu dada kadoras mai Timor Leste,” dehan Alfredo ba Jornalista sira iha palasiu Governu, sesta (25/6). 

Akordu refere, Governu Australia konsidera area maritime la dun vale ona, tanba ne’e governu Timor Leste haree fila fali akordu foun. “Akordu ne’e remata iha 2013, i agora apara ona ho governu Australia, la tama iha efeitu to’o fulan tolu nia laran, maibe depois ne’e dalan komesa loke ona ba se deit mak hakarak kansela kontratu, ne’e bele kanse iha fulan Abrik to’o Dezembru, dalan loke ona,” tenik Alfredo. 

Governu TL sei tetu hela nia vantazen no dezvantazen kona-ba akordu foun ba interese estadu Timor Leste nian atu dada kadoras mai Timor Leste. “Hau hakarak dehan ba povu katak, agora ami haree hela hamutuk ho Primeiru Ministru para haree klean kona-ba ita nia vantazen no dezvantazen husi akordu ne’e, agora ami negosiu hela parte intersantes,” nia esklarese. 

Kona-ba kompania Woodside agora lao nafatin iha aspeitu tekniku i komesa tuir rgulamentu kompara ho informasoens tuir estadus ne’ebe iha, tuir nia, depois mak haree, tuir politika ba oin ne’e halo nusa?. Tanba Timor Leste agora iha akordu tolu, TIT, IOA ho CMANTS iha 23 Fevereiru kansela ona, tanba iha CMATS laran katak, nia lakonsege hanesan instrumentu atu rezolve problemas Greater Sunrise iha tasi Timor. 

“Ita kansela CMATS, maka bele loke posiblidade fronteiras maritimas, agora ita nia vantazen ka la vantazen atu husi Fronteira Maritima tinan 50 ne’e husi ita hotu nia kumprensaun, ami bele hatene ona saida mak atu foti, maibe ema barak mak akarak rona Timor Leste nia pozisaun atu ba ne’ebe,” komenta Ministru Petroliu ne’e. 

Kestaun hanesan mos Alfredo dehan,”Se diak ba ita, diak to’o iha ne’ebe? Se akordu ne’e nafatin, ita sei lao nafatin akordu ida ne’e bele rezolve duni problema Greater sunrise ho solusaun ida ne’ebe ita satisfas ka lae? entaun ida ne’e maka governu halo hela ho parseiru Australia sira, tanba ne’e tratadu entre governu ho governu,” Alferdo Kestiaona. 

Nia hatutan, governu ninia kritika ne’e agora Ministeriu halo negosiu hela dau-dauk, mas governu nia politika saida, Alfredo sei husi Primeiru Ministru atu iha futuru bele koalia klaru liu tan Timor Leste ninia pozisaun. 

“Hau lakohi koalia detaillu liu tan, tanba ohin loron ema iha teknolojia mos barak tanba ne’e hau ho Primeiru Ministru seidauk fo sai buat sira ne’e detaillus,” Alfredo hateten. 

Tinan ida ne’e, ami mos hatama lei ida ne’e iha Parlamentu, entaun ita mos ba fali buka tiku soin sira magnet ka osanmean ho sira seluk it abele book, entaun atu dehan deit katak, ita atu lao, laiha situasaun apertadu ida ne’ebe tenki obriga ita dehan ita tenke book Greater Sunrise. 

“Agora prosesu ne’e iha nivel oioin deit, ita lao ho governu ba ho governu, karik hau koalia tiha ona ho governu Australia ho Governu Timor-Leste la konkorda greater Sunrise ne’e boot ka ki’ik, uluk boot, woodside mai dehan ki’ik fali, Timor la fiar, entaun ita tenki sukat fali, ne’ebe prosesu mina boot ka ki’ik, ne’e agora ami ho Australia sukat hela,” dehan nia. 

Ne’e importante nia bo’ot ka ki’ik ne’e iha implikasoens ne’ebe lao hela no konkorda ona POR, se la sala tender iha ona kompania ida ne’ebe mak manan tiha ona atu halo estudu, e estudu ne’e bele kustu to’o U$1.5 miloens, no sira tenki tau setengah, Agora Timor gap maka sei haree ba ida ne’e,” nia dehan. 
.

Sem comentários:

Publicar um comentário

Nota: só um membro deste blogue pode publicar um comentário.