quinta-feira, 31 de janeiro de 2013

Lere Anan Timur: “F-FDTL Sei La Atua CPD-RDTL”

.

Jornal Timor Post - Kinta-Feira, 31 Janeiru 2013 

FALINTIL-Forsa Defesa Timor Leste (F-FDTL), sei la atua grupu Konsellu Popular Demokratiku-Republika Demokratika Timor Leste (CPD-RDTL) ne’ebe konsentra iha Suku welaluhu, sub Distritu fatuberlihu, wainhira laiha desizaun husi Governu. 

“Ami laiha kompetensia atu toma desizaun ba CPD-RDTL, ami so hein wainhira Governu dehan A, ami tuir deit, ami labele foti desizaun tuir ami nia hakarak,” dehan Major jeneral Lere Anana Timur ba Jornalista sira iha Palasiu prezidenti Republika, Bairu-Pite, dili, Kuarta (30/1). 

Jeneral Fitun rua ne’e esplika, Prezensa F-FDTL iha sub Distritu Fatuberlihu durante semana rua, komesa loron 21 to’o 4 Fevereiru laos atu atua grupu CPD-RDTL maibe atu halo ezersisiu militar. 

Jeneral F-FDTL ne’e hateten, inisiativa grupu CPD-RDTL hodi hala’o atividade koperativa iha Agrikultura ne’e diak, maibe sala mak sira la kordena ho Estadu no komunidade iha Sub Distritu Fatuberlihu. 

“hau hateten beiebik ba sira, imi nia inisiativa nee diak, maibe imi nia sala mak la kordena didiak ho Estadu no komunidade,” dehan Lere. 

Lere mos hateten, durante ne’e sidadaun ka komunidade barak, liu-liu komunidade iha sub Distritu fatuberlihu preokupa tebes ho prejensa grupu CPD-RDTL tanba okupa komunidade sira nia rain. 
,

Sem comentários:

Publicar um comentário

Nota: só um membro deste blogue pode publicar um comentário.