terça-feira, 29 de janeiro de 2013

“ME Rekonese MAC Tenta Halo Violasaun Seksual”

.

Jornal Nacional Diario - Segunda-Feira, 28 Janeiru 2013 

Ministeriu Edukasaun (ME) liu husi Diresaun Nasional Dezenvolvimentu Siensia no Teknolojia rekonese iha Bolseiru Timor oan ida ne’ebe estuda iha Filipina involve iha kazu ida ba tenta halo violasaun seksual hasoru feto Filipina. 

Diretor Nasional Dezenvolvimentu dos Ciensias e Teknologia (DNDCT), Leonel da Costa Xavier hateten, informasaun ne’ebe mak nia hetan husi adidu ME iha Filipina Mariano de Carmo katak, estudante ne’ebe mak ho inisial MAC (laos naran los), tenta atu halo violasaun seksual hasoru feto Filipina nain 1 laos 2, ida ne’e mos la konsege. 

 “Parte edukasaun nian rasik iha ona konesementu ba kazu refere iha (17/1), agora dadaun bolseiru ne’e tama ona ba Tribunal hodi bele hatene estudante ne’e sala ka loos,” dehan Leonel ba JNDiario, Kinta (24/1) iha nia knaa’r fatin Vila-verde, Dili. 

Nia hatutan, tuir informasaun mai husi adidu ME Filipina, MAC presiza osan U$4.500 hodi selu advogadu ida atu bele rejolve kazu ne’e. “Ita laiha irem ba problema ne’e, depois problema ne’e mos foun, maibe presiza ita nia boot sira tenke haree para rezolve, laos tanba MAC, maibe kestaun nasaun TL,” dehan Diretor ne’e. 

Leonel mos esplika tan katak, ba bolseiru sira ne’ebe mak hetan bolsu estudu husu governu, parte ME halo akordu ida ho bolseiru sira hanesan wainhira viola viola regras ne’ebe mak iha, tenke hapara nia estudu no lori fila ba Timor Leste. 

 “Sira ba ne’e laos bolseiru nia naran, maibe nasaun Timor Leste nia naran, nune’e parte edukasaun nian sei la tolera ba hahalok sira hanesan ne’e. Total Jeral bolseirus Timor oan ne’ebe estuda iha Filipina to’o tinan 2013 ne’e hamutuk nain 136.
.

Sem comentários:

Publicar um comentário

Nota: só um membro deste blogue pode publicar um comentário.