terça-feira, 29 de janeiro de 2013

Militantes FRETILIN La Kestiona Opozisaun Simu Kareta PRADO

.

SUARA TIMOR LOROSAE - Tersa, 29 Janeiru 2013 

DILI-Deputadu bankada FRETILIN Francisco Miranda Branco afirma, to’o agora Militantes FRETILIN la kestiona konaba bankada Opozisaun simu kareta PRADO, tanba antes atu simu kareta sira koalia uluk ona ho militantes sira. 

Deputadu Branco hateten militants Fretilin la kestiona konaba opozisaun iha Uma fukun Parlamentu Nasional (PN) simu kareta Prado, tamba antes sira iha PN foti desizaun atu simu kareta ne’e, koalia uluk ona ho militantes sira. 

“Ami nia militantes FRETILILIN sira la kestiona, tanba ami kolia tia ona ho sira, antes atu simu ami disidi duni hodi tempu nebe’e maka naruk, no ami hateten ba sira katak, ami tenki simu fasilidade hodi halao servisu nudar reprejentante povu iha uma fukun ida ne’e,” dehan Branco ba STL iha uma fukun PN Tersa (29/01). 

Hatan ba deputadu balun nebe’e maka uja reben metan iha kareta ne’e, katak deputadu Branco, tuir lolos ida ne’e labele, tanba sasan povu nian, oin seluk ba kareta privadu, maibe povu nia sasan labele uja reben metan, atu nune’e povu bele kuinese ninia reprejentante povu nebe’e maka tur iha PN. 
Jasinta Sequeira/Natalia Moniz
.

Sem comentários:

Publicar um comentário

Nota: só um membro deste blogue pode publicar um comentário.