sábado, 26 de janeiro de 2013

“Projeitu Auto-estrada Husi Suai To’o Beasu Sei Implementa 2013”

.

Notisia Husi TVTL - Sesta-kalan, 25 Janeiru 2013 

Ministru Petroliu E Rekursu Naturasi no Ministru Obras Publika halo lansamentu konjunta Projeitu Auto-Estrada, iha faze dahuluk, projeitu auto-estrada ne’e sei hahu husi Suai, Fatukai to’o mola ho total kilometru 30 resin. 

Serimonia asinatura konjunta projeitu auto-estrada nian hala’o iha Timor Plaza sesta-feira (25/1), Ministru do Petrolu no Rekursus minarai Alfredo Pires hateten, implementasaun projeitu ne’e sei fasilita projeitu Tasi Mane. 

Nune’e mos, Ministru Obras Publik Gasta’o Sousa garante katak, projeitu ne’e sei hetan susesu, Projeitu ne’e mos sei gasta irsamentu milauan atus tolu resin, tamba konsidera nu’udar mega projeitu. 

“Ninia naruk ne’e 155 kilometrus projeitu husi Suati to’o Beasu depois primeiru faze husi Suai ba Fatukai, segunda faze husi Fatukai ba Betano, terseiru faze husi Betano to’o Natarbora, hikus liu husi Natarbora to’o Beasu, tuir dezenhu istimativa ne’ebe mak iha sei hotu tuir tempo,” dehan Gastao. 

Projeitu estrada ne’e sei realiza durante faze hat no iha finalizasaun sei liga distritu Covalima ba to’o Beasu Distritu Vikeke. 

Tuir planu projeitu auto-estrada ne’e sei hahu implementa iha meadus tinan 2013 no tuir tarjetu Ministru obras publika katak, sei finaliza iha fim do mandatu V Governu konstitusional.
,

Sem comentários:

Publicar um comentário

Nota: só um membro deste blogue pode publicar um comentário.