sexta-feira, 25 de janeiro de 2013

Rezidensia MF Kria Diskriminasaun “Husu KAK Investiga”

,

Jornal Nacional Diario - Sesta-feira, 25 Janeiru 2013 

Rezidensia Ministra financas (MF), Emilia Pires nebe modelu Luxu ne’e hatudu momos diskriminasaun entre Ministra financas ho membrus governu sira seluk. 

Rezidensia foun Ministra Finansas nian ne’e halo iha Palpaso ne’ebe ninia prosesu konstrusaun sei lao hela maibe hetan ona kritika husi sosiedade sivil no deputadu sira iha Parlamentu Nasional. 

“Uma atu halo ba Ministra Financas ne’e bo’ot liu, sera que ministra financas mak bo’ot liu hotu-hotu iha nasaun ne’e? 

Se hau mak kaer karik Governu, Ministra Financas ne’e iha de’it Sekretariu estadu ida, Prezidenti da Republika rasik laiha uma ida ke luxu hanesan ne’e, Ministra Financas nian ne’ebe mak dadaun hari’i ne’e, nusa Ministra financa direitu ba uma luxu hanesan ne’e, bazeia ba kriteriu saida mak halo sasan ida ne’e, nusa la halo uma Ministru hotu-hotu hanesan,” dehan Eis Vice Primeiru Ministru Eng. Mario Viegas Carrascalao informa ba JNDiario bainhira hasoru malu iha Hotel Timor foin lalais ne’e. 

Tuir Mario Viegas Carrascalao, politika refere hamosu diskriminasaun intermo tratamentoba servidor estadu sira, nia husu, nusa la uza osan refere hodi harii edifisiu ba membru governu foun ne’ebe laiha fatindignu hodi hala’o nia kna’ar. 

Mario Viegas Carrascalao husu oinsa mak ita halo avaliasaun ba membru governu se bainhira governu rasik la fo kondisaun diak atu membru governu hala’o nia serviso tuir planu ne’ebe mak estabelese ona. Iha parte seluk, deputadu Bancada FRETILIN Francisco Miranda Branco reforsa katak, realidade iha Timor-Leste Prezidenti da Republika, eis titular ho membru governu seluk, seidauk hetan uma luxu hanesan Ministra Emilia Pires nian, tanba ne’e presiza halo investigasaun klean ba tratamentu espesial ida ne’e. 


“Korrupsaun ne’e agora buras matak los, osan miloens ba miloens mak ita la hatene nia paraderu, nune’e sosiedade tomak tenki neon nain, matan moris hodi kontrolu,” dehan deputadu Francisco Miranda Branco. 

Nune’e mos diretor ONG Luta Hamutuk (LH) Mericio Akarak husu ba komisaun Anti Korupsaun (KAK) atu halo investigasaun ba Ministra Financas Emilai Pires kona konflitu de interese inklui nia rezidensia foun ne’ebe durante ne’e hamosu deskonfiansa. 

Mericio hateten, Ministra Financas ema ne’ebe ka’er no jere osan nasaun nian tanba ne’e bainhira komete ba korupsaun ou konflitu de interese exemplo fo projeitu ba nia laen, nia oan ou nia alin, ida ne’e tuir lei Timor Leste bandu, nune’e KAK presiza halo investigasaun ne’ebe klean no profundu kona ba kazu refere ne’ebe involve Emilia Pires. 

“Hau hanoin nia kazu ne’e iha ona prosesu investigasaun e hau fiar katak , Primeiru Ministru Xanana Gusmao sei la taka matan, hau fiar katak Emilia mos sei tama komarka se nia komete duni kona ba kazu korupsaun ne’e, agora kestaun mak ida ne’e, ita sei hein hela prosesu investigasaun husi KAK no Ministeriu Publiku sei halibur hela dadus,” Mericio Akara sublinha. 

Ba rezidensia Ministra Financas, Mericio Akara Sublinha merese duni KAK halo investigasaun tanba diskunfiansa katak, osan ne’ebe uza ba konstrusaun nudar osan estadu nian. 

 “Bele hamosu deskonfia tanba ia hotu hatene katak, Primeiru Ministru Xanana Gusmao, Prezidenti Republika Taur Matan Ruak, inklui Ministru no Ministra sira seluk iha Timor seidauk halo uma ne’ebe diak liu (Lux-red),” Mericio Akara deskonfia. 

Mericio Akara mos husu? Nusa osan sira ne’e Minista Financas uza para hadia edifisiu Polisia Nasional Timor-Leste (PNTL), hahu ukun ate agora iha edifisiu PNTL barak mak laiha kondisaun, ne’ebe KAK tenki investiga, nune’e hetan provas loron ruma Ministra Financas Emilia Pires mos sei tuir Eis Ministra Justica Lucia Lobato iha Prizaun Gleno.
.

Sem comentários:

Publicar um comentário

Nota: só um membro deste blogue pode publicar um comentário.