terça-feira, 29 de janeiro de 2013

“Saude Gratuita Ba Timor-Oan, Ema Estranjeiru Tenke Selu”

.

Jornal Independente - Tersa-Feira, 29 Janeiru 2013 

Deputadu sira iha parlamentu Nasional (PN) husu ba orgaun kompotente atu hapara tratamentu saude gratuita ba ema estranjeiru ne’ebe halo tratamentu saude iha ospital no sentru saude sira iha Timor Leste. 

Prezidenti Komisaun F PN ba asuntu saude, edukasaun, desportu, igualidade jeneru no veteranu, Virgilio Hornai, dehan, konstituisaun RDTL defini saude no edukasaun, desportu, igualidade jeneru no veteranu, Virgilio Hornai, dehan konstituisaun RDTL define saude no edukasaun gratuita ba sidadaun TL laos ba ema estranjeiru. 

Tanba ne’e, nia hatutan, governu tenke kria ona mekanizmu diak hodi regula ema estranjeiru ne’ebe halo tratamentu saude iha Hospital no sentru saude sira tenke selu. “Sidadaun estranjeiru tenke selu, labele aplika saide gratuita ba sira (Ema estranjeiru),” dehan nia. 

Virgilio dehan tan, kada tinan PN aprova orsamentu boot ba area saude hodi fo tratamentu gratuita ba ita nia povu laos ba ema estranjeiru. 

“Aprova orsamentu boot atu benefisia ba povu Timor Leste, laos ba ema estranjeoru,” dehan Virgilio iha PN (28/1). 

Kestaun hanesan mos hato’o husi deputadu bancada FRETILIN Francisco Branco katak, politika saude gratuita aplika ba Timor oan la’os ema estranjeiru sira ne’ebe hal iha Timor mos iha diretu ba politika ne’e. 

Entertantu, komunidade iha kapital Dili husu ba MS atu hahu kontrola, tanba ema estranjeiru laiha direitu atu hetan tratamentu saude gratuita hanesan ho sidadaun TL. 

“Hau la konkorda wainhira ema estranjeiru sira hetan tratamentu saude gratuita iha ita nia rain,” hateten Armando iha nia hela fatin, Bidau, Dili. 

 Iha fatin seluk, Luis Soares hateten, emprinsipiu nia la konkorda wainhira ema estranjeiru sira ne’ebe mai buka riku iha TL hetan tratamentu saude gratuita.
.

Sem comentários:

Publicar um comentário

Nota: só um membro deste blogue pode publicar um comentário.