quarta-feira, 23 de janeiro de 2013

Taur Matan Ruak: “Dezenvolvementu TL Hanesan Lixu”

.

Jornal Timor Post - Kuarta-feira, 23 Janeiru 2013 

Prezidneti Republika (PR), Taur Matan Ruak kritika sobre kualidade projeitu ne’ebe mak governu ho kompania sira halo iha rai laran laiha kualidade tanba ne’e dezenvolvimentu ne’ebe mak agora hanesan soe osan ba lixu de’it. 

Liu husi karta komunikadu ne’ebe mak Timor Post simu Tersa (22/01) husi Prezidenti Republika relasiona ho vizita xefe estadu nian ba sub Distritu Bazartete, Distritu Liqisa segunda feira ne’e hodi hasoru malu ho komunidade sira hodi rona preokupasaun no difikuldades ne’ebe mak infrenta. 

Iha inkontru, komunidade sira kesar ba Prezidenti katak, falta kualidade infraestrutura rodoviariu , aumenta presu foos no falta bee-moos. 

“Hanesan Prezidenti Republika, hau preokupa ho kualidade projeitu iha Timor Leste, hanesan So’e osan ba lixu,” Presidenti dehan. Nune’e, Xefe Estadu mos husu ba governu atu fo atensaun liu ba problema dezenvolvimentu iha rai laran hodi nune’e povu bele hetan nia benefisiu. 

“Bainhira ita la hatene halo ho diak, diak liu lalika halo atu labele sai hanesan motivu moe,” Xefe Estadu dehan. 

Durante vizita, Prezidenti apela ba ema sira hodi servisu maka’as atu kontribui ba dezenvolvimentu Timor nian. 

Prezidenti Taur Matan Ruak mos husu ba governu atu fo atensaun liu ba desentralizasaun a\ekonomia, hodi evita kresimentu migrasaun ba kapital pais, Dili, no kritika projeitu balun ezekutivu ne’ebe “estimula baruk”.
,

Sem comentários:

Publicar um comentário

Nota: só um membro deste blogue pode publicar um comentário.