quinta-feira, 31 de janeiro de 2013

Vizita PR Iha Wecusse “Diretor Ospital Eziziz Ambulansia No Eletrisidade”

.
Foto, Presidência da República de Timor-Leste  - Facebook

Notisia Husi TVTL - Kuarta-Kalan, 30 Janeiru 2013 

Falta Energia eletrika, transporte ambulansia difikulta ba servisu professional saude Distritu Wekusse hodi fo atendementu diak ba pasiente sira. 

Kestaun ne’e hato’o husi Direktur Ospital Distritu Wekusse Antoni Boki, wainhira simu vizita Prezidenti da Republika Taur Matan Ruak. Prezidenti da Republika Taur Matan Ruak akompainadu hudi membru do Governu hala’o vizita ba Ospital referral Distritu Wekusse hodi haree kondisaun sala inan isin rua, sala ba pasiente inklui fatin tein ai-han ba labarik sira, 

Diretor Ospital Antonio Boki hateten, problema ne’ebe ospital hasoru mak falta energia eletrika no ambulansia, wainhira atu ba tula pasiente ne’ebe moras iha areas rurais. 

“Sub Distritu hotu-hotu infrenta problema ambulansia, ami mos presiza eletrisidade, tamba eletrisidade publiku avaria fulan hitu ona no latama iha Ospital,” dehan Antonio. 

Hatan ba kestaun ne’e, Vice Ministru Saude Prestasaun servisu Natalia de Araujo hateten, hahu tinan 2013 to’o 2017 tuir planu sei harii postu saude, instalasaun energia eletrika inklui ambulansia iha sub distritu hotu.
,

Sem comentários:

Publicar um comentário

Nota: só um membro deste blogue pode publicar um comentário.