quarta-feira, 27 de fevereiro de 2013

Alegasaun Emilia Pires “Lasama: Emilia Sei Lori Jornalista Ba Tribunal”

,

Jornal Nacional Diario - Tersa-feira, 26 Fevereiru 2013 

Vice Primeiru Ministru (PM) Bloku Koligasaun (BK) Fernando La Sama de Araujo afirma katak, Ministra Finansas Emilia Pires la kontra lei, relasiona ho alegasaun katak, Emilia Pires Kunsiente hodi nia kaben hetan Projeitu husi Ministeriu Saude. 

Tuir Fernando La Sama relasiona ho publikasaun ne’e, Ministra Fiannsas Emilia Pires iha tempo besik mos sei lori ba Tribunal, tanba ne’e La Sama husu atu jornalista mos la bele senti ovendidu. “Prosesu ne’e lao, aban bairua mak Ministra mos hatama prosesu ne’e ba Tribunal imi (jornalista-red) mos labele ovendidu, tanba hanesan ema, nia mos iha direitu atu defende nia aan,” Vice Primeiru Ministru Fernando La Sama klarifika liu husi konferensia imprensa iha palsio do Governu, segunda (25/2). 

Tuir La sama, iha kazu refere laiha pratika Nepotizmu, tanba La Sama nia komprensaun nepotismu ne’e akontese bainhira iha ema ida hasoru ema ida, maibe iha kazu Emilia Pires nian, prosesu tomak konsidera tuir lei e envolve ema barak hanesan Primeiru Ministru kay Rala xanana Gusmao mos. 

“Hau hanoin akuzasaun sira hanesan ne’e la dun Vaboravel ba ita nia vida loro-loron nian, hau hakarak hato’o klaru ba maluk jornalista sira katak, hau sei apoiu imi totalmente bainhira los dehan los, sala dehan sala, ita koalia kona ba ema ita mos tenki respeita buat ida bolu naran ‘pra duga tak bersalah’ bainhira tribunal seidauk foti desizaun, buat ne’e universal,” La Sama Reforsa nia argumentu. 

Maske nune’e, La Sama kontinua enkoraja nafatin atu jornalista brani nafatin hateten ba publiku kona ba sala dehan sala, los dehan los. Atu netraliza hikas situasaun amizade jornalista ho Ministra Emilia Pires, La Sama promete katak, sei husu ba Ministra Emilia atu mantein komunikasaun ho Jornalista, maibe jornalista sira mos labele sente ovendidu liu ho lia fuan Ministra Emilia nian. 

Hatan kona ba investigasaun Ministeriu Publiku kona ba kazu ne’e, La sama eslika katak, dadaun ne’e kazu refere iha investigasaun nia laran hela, tanba ne’e bainhira evidensia hatudu katak, Emilia Pires sala pasensia sei ba kumpri nia sala, la iha ema ida mak iha governu laran atu defende nia (Emilia-red), tanba eis Ministra Justica Lucia Lobatu hatudu ona exemplu. 

Kazu alegasaun hasoru Ministra Emilia Pires ne’e akontese iha tinan 2011-2012. 
.

Sem comentários:

Publicar um comentário

Nota: só um membro deste blogue pode publicar um comentário.