quinta-feira, 21 de fevereiro de 2013

Estanislao: Labele Kondena Media Arbiru Deit

.

SUARA TIMOR LOROSAE - Kinta, 21 Fevereiru 2013 

DILI-Deputadu bankada Opozisaun FRETILIN iha uma fukun Parlamentu Nasional (PN), Estanislao da Silva hateten, bainhira membru governu sira atu kolia media ho liafuan nebe’e los, labele kondena media arbiru. 

Kestaun ne’e relasiona ho deklarasaun Ministra Finansas (MF) Emilia Pires nebe’e hateten media halo noticia arbiru. “Hau hanoin, hau la hare liafuan nebe’e ke MF kolia, maibe membru governu sira mos bainhira atu kolia media, ho liafuan nebe’e lolos, labele kondena mos media arbiru deit, tanba media ne’e iha nia intervensaun mos maka’as, hau hein katak, ikus mai media ho MF bele fo malu diak fali, klaru ke imofrmasaun sira nebe’e maka jornais publika ne’e sira simu husi fatin ruma, agora simu husi nebe’e hau lahatene, agora hau hanoin, governu mos tenki buka hare imformasaun sira ne’e mos mai husi nebe’e,” hateten Deputadu FRETILIN Estanislao ba STL iha uma fukun PN Kinta (21/02). 

Tuir Deputadu Estanislao katak, media iha funsaun ida ka papel importante para kontribui hodi fo imformasaun nebe’e los ba povu, ida ne’e maka hanoin media nia servisu kontribui ba debate ou asuntu importantes nebe’e konaba povu nia moris. 

Media mos tuir Deputadu ne’e katak, halao nia knar tuir regras de etika professional, para regula funsionamentu media iha rai laran, no sebele hatudu nia imparsialidade ba asuntu nebe’e relasiona ho vida Nasaun. Jasinta Sequeira 
.

Sem comentários:

Publicar um comentário

Nota: só um membro deste blogue pode publicar um comentário.