terça-feira, 19 de fevereiro de 2013

FRETILIN Iha Dignidade La Tabele Ba Governu

.

SUARA TIMOR LOROSAE - Tersa, 19 Fevereiru 2013 

DILI- Deputadu bankada Opozisaun FRETILIN Estanislao da Silva afirma, bainhira FRETILIN fo kontribuisaun posetiva, laos signifika FRETILIN atu tama iha governu, tanba FRETILIN iha dignidade sei la tabele ba governu. 

“Bainhira ami FRETILIN hola Opozisaun ne’e hanesan deputadu Mari Alkatiri hateten, la siqnifika ami atu tama governu, tanba ami laiha hanoin atu tama iha governu, maibe ami hakarak kontribuisaun posetiva para hodi halo dezemvolvimentu, maibe ami iha responsabilidade hanesan reprejentante povu nian, bainhira ami halo hanesan ne’e laos atu tabele ba governu ou tama iha Bloku, tanba ami nia dignidade, buat nebe’e ke ami defende atu kontinua defende nafatin,” hateten Deputadu Estanislao ba STL iha uma fukun PN Tersa (19/02). 

Antes ne’e Deputadu bankada PD Virgilio Hornai hateten, Relasiona ho informasaun nebe’e maka espalha iha rai laran katak, CNRT ho FRETILIN hamutuk hodi kaer fali governu, maibe PD ho FM konsidera katak, ida ne’e hanesan rumoris, tanba komprimisiu inisial iha ona maka hahu prosesu forma governu. 

Nune’e mos deputada bankada FRENTI MUDANSA (FM) Adozinda Pires hateten, aban bain rua karik iha oportunidade, nia fo ezemplu hanesan CNRT, FRETILIN no partidu sese deit koliga para kaer ukun iha future oin mai, ida hanesan sinal posetivu, tanba ida ne’e maka dinamika politika. Jasinta Sequeira 
,

Sem comentários:

Publicar um comentário

Nota: só um membro deste blogue pode publicar um comentário.