quarta-feira, 27 de fevereiro de 2013

Governu La Konsistente Servisu “CNRT Tatidik Malu Iha PN”

.

Jornal Nacional Diario - Tersa-feira, 26 Fevereiru 2013 

Haree ba servisu ne’ebe mak durante ne’e membru Governu konstitusional ba dalima eleva liu-liu iha Ministeriu saude la ho konsistente, halo deputadu Bancada CNRT foti pozisaun pro no kontra iha Parlamentu Nasional (PN). 

Tuir deputadu Cesar de Jesus husi Bancada CNRT katak, servisu iha parte saude nian desde uluk to’o agora sempre enfrenta hela deit problema, hanesan doutor espesialista sira ne’ebe mak mai husi Cubano, nomos estudante sira ne’ebe mak foin halo estejariu la dun iha atensaun diak bainhira halo operasaun ba ema ida, no ema ne’e semre lakon nia vida ka mate. 

Ho kestaun ne’e, deputadu Cesar sujere ba Governu atu labele lori fali ema ne’ebe mak foin aprende sai mediku halo fali servisu iha Timor atu estraga fali ema nia vida. 

 “Kuandu sira foin maka hala’o estejiarium labele fera (halo operasaun) ba ema lai, sira tenki aprende fera lai animal ba, hodi animal ne’e mate mos ita ema bele han fali, tanba durante ne’e ema mate kuaze nain lima ona, operasaun mak amte,” katak Cesar de Jesus ba Jornalista segunda (25/2) iha PN. 

Maske nune’e, deputada Carmelita Moniz husi mos bancada CNRT, defende Timoroan sira no mos dotor sira ne’ebe mak mai husi Cuba, tanba ema hirak ne’e iha esperensia maka’as ba parte saude nian. “Ita tebki haree didiak lai kestaun hirak ne’e, tanba dala barak maluk Timor oan sira mate laos mediku maka sala, maibe tanba sira nia saude grave los ona mak foin lori ba ospital, entaun mediku sira mos lakonsege atu salva sira nia vida,” dehan Carmelita. 

Deputada Carmelita afirma, kuandu maluk husi pasiente sira ne’e sente duvida, bele levanta problema ne’e ba Ministeriu saude atu bele loke investigasaun ba mediku ida ne’ebe halo operasaun ka halo ema mate. 

Tuir Carmelita Moniz katak, nia parte la dun konese diak iha area saude nian, maibe nia fiar katak laiha mediku estranjeiru ba opera ka halo fali estajiariu hodi fera fali ema iha hospital. 

Carmelita mos husu ba ema tomak atu tenki haree didiak kestaun ne’e, antes levanta iha fatin ubliku, tanba buat ida hanesan ne’e la dun diak ba ema nia humanidade. 
.

Sem comentários:

Publicar um comentário

Nota: só um membro deste blogue pode publicar um comentário.