sexta-feira, 22 de fevereiro de 2013

KAK Investiga Kazu 16: “Kazu KKN Eis Ministru Edukasaun Joao Cansio Entrega Ona Ba MP”

.

Notisia Husi TVTL - Kinta-Kalan, 22 Fevereiru 2013 

Komisaun Anti Korupsaun (KAK) oras ne’e dadaun investiga hela kazu hamutuk 16. Prezidenti Komisaun Anti Korupsaun Aderito de Jesus hato’o kestaun ne’e liu husi konferensia imprensa ne’ebe hala’o iha edifisiu KAK Farol, Dili. 

Aderito hatutan katak, KAK sei hala’o esforsu liu tan hodi prevene korupsaun liu husi sosializasaun oinsa prevene korupsaun ba entidades tomak. 

“KAK nia prinsipiu maka ne’e, ita la target A ga, B ga, C iha servisu halo investigasaun, maibe ita halo investigasaun evidensia mak hodi ita to’o A ga, B ga, C, se ita target A ne’e buat seluk ida, ne’e orsida ema politiku sira maka koalia hanesan ne’e, mais KAK la’e, KAK nia serviso iha keixa tama evidensia mak lori ita to’o A ga, B ga, C, se evidensia dehan ita la to’o A ita la to’o A, Evidensia dehan ita to’o A ita tenki to’o A, ida ne’e deit maka ita halo, wainhira ita envestiga ita aplika TIR, sei foti tan medida kuasaun seluk, ita tenki kordena ho Ministeriu Publiku, hanesan senor Ministru Edukasaun nian ami hala’o ona servisu investigasaun hotu, ami entrega ba Ministeriu Publiku (MP), Ministeriu Publiku nia kna’ar tomak atu prosesa kazu ne’e, se evidensia seidauk forte Ministeriu Publiku kontaktu fali mai ami halo klean liu tan investigasaun ne’e ou arkivu depois bele loke fali, ne’e Ministeriu publiku nia kna’ar tomak, ida ne’e mak ami nia servisu,” dehan Aderito. 

Aderito hatutan liu tan katak, atu hadiak liu tan servisu komisaun nian maka komisaun sei hala’o nafatin kapasitasaun ba funsionarius sira hodi serviso ho professional. Entertantu, entre kazu hirak ne’e, Kazu Eis Ministru Edukasaun Joao Cancio Freitas nian, KAK haruka ona ba Ministeriu Publiku.
,

Sem comentários:

Publicar um comentário

Nota: só um membro deste blogue pode publicar um comentário.