terça-feira, 19 de fevereiro de 2013

Kazu Emilia Pires: “KAK Investiga Odete Viegas”

.

Jornal Timor Post - Tersa-feira, 19 Fevereiru 2013

Eis Diretor Hospital Nasional Guido valadares (HNGV) Odete Viegas hato’o deklarasaun ba Komisaun Anti Korupsaun (KAK), Segunda (18/2) nu’udar testamunha ba kazu Ministra finansas Emilia Pires ne’ebe deskonfia halo abuzu de poderes. 

“Ha’u nia pozisaun hanesan mos eis diretora, perguntas ne’ebe mak KAKhusu ne’e iha 4 ka 5 hanesan ne’e, sobre hau nia papel halo planu annual no orsamentu nia prosesu,” Odete Viegas esplika ba jornalista sira hafoin fo nia deklarasaun iha edifisiu KAK-Farol, Segunda (18/2.

Nia dehan, HNGV presiza duni atu sosa kama ba pasiente sira.”tanba ita haree kama ne’ebe maka iha HNGV ne’e, ami iha 340 ka ne’e ‘tidak munkin’ (Inposivel) atu responde buat sira ne’e, aumezmu tempu tanba ita laos haree de’it ba kama maibe tenki haree mos ba seluk ne’ebe maka sai ekipa ba servisu ida,” Viegas hatutan iha entrevista.

Maibe, perioridade husi proposta ne’ebe maka HNGV presiza maka makina ho kama rua, maibe, hafoin lisensa kompania ne’ebe manan tende hatama kama 80, husi numeru ne’e, HNGV uza ona kama 50, entretantu, 30 seluk sei rai hela iha armazen HNGV.

Nia konfesa, momentu ne’ebe hanesan diretora asina dokumentus kona-ba sosa makina no kama rua. Tuir Publikasaun Tempo Semanal tinan kotuk, husi intrevista ho diretora HNGV Odete da Silva Viegas katak, karta pedidu ho numeru ref.130/adm/HNGV/III/Vise Ministru Saude Madalena Hanjan la husu kona ba ekipamentus ne’ebe fornese husi kompania Kac’s Metalcraft Pty Ltd na’in husi Warren Macleod kaben Ministra Finansas, Emilia Pires.

Publikasaun ne’e hatutan, pedidu ba eis Vice Ministra Saude madalena Hanjan iha loron 22 Marsu 2012 husuatu hala’o kompras urjente ba ekipamentus mediku nian ne’ebe iha relasaun ho servisu Unidade Haemodialisa maka hanesan Haemodialisa unidade rua, kama set unidade rua no material konsumaveis ne’ebe iha relasaun ho servisu Haemodialisa nian.

Tuir lista aneksu ne’ebe asina husi Diretor Nasional NALA, Leao Borges, S. Sos. MPH, xefe Departementu de Gestao de ekipamentus Mediku, Avelino Afornso Brites ho eis Vice Ministra Saude, Madalena F.N.H Costa Soares Bsn ne’e, propoin orsamentu ho total $2,004,100.00 hodi fornese item 17 ba ospital no Sentru saude sira.

Maibe, bainhira pedidu ne’e haruka ba Ministra Financas Emilia Pires dekreta hahu husi item numeru dahuluk to’o numeru lima mesak sasan ne’ebe fornese husi kompania Mac’s Metalcraft.

Husi aktu ne’e, publikasaun Tempu Semanal dehan, aktu ne’e deskonfia Emilia Pires Viola ona dekretu lei numeru 10/2005, rejime juridiku ba aprovizionamentu, kapitulu IV inkontabilidade iha artigu 32 ne’ebe regurla kona-ba konflitu de interese servidor estadu sira nian.
,

Sem comentários:

Publicar um comentário

Nota: só um membro deste blogue pode publicar um comentário.