quarta-feira, 27 de fevereiro de 2013

“KFP Demite Funsionariu Publiku 40”

.

Jornal Independente - Tersa-feira, 26 Fevereiru 2013 

Komisaun Funsaun Publiku (KFP) komesa halo ona demisaun ba Funsionariu Publiku hamutuk haat nolu (40) husi Ministeriu hotu, tanba kontra regra Funsaun Publika ninian durante ne’e. 

Prezidenti KFP Liborio Pereira hateten, realidade ne’ebe akontese durante ne’e iha Ministeriu hotu, funsionariu falta iha fulan rua, maibe iha justifikasaun husi Diretor responsavel no tama fali iha funsaun publiku, tanba falta kontrolu husi Ministeriu rasik. 

“Agora ita demite ona funsionariu publiku ema nain hat nolu husi Ministeriu oi-oin, agora funsionariu publiku balu demitidu, tanba abandona servisu, balu demitidu tanba komete iregularidade ne’ebe labele tolera,” hateten Liborio ba Jornalista sira iha ME Segunda (25/2). 

Nia hatutan, funsionariu publiku hafoin atu assume knaar liu husi tomada de posse iha juramentu halo aseitasaun ba knaar tomak neebe estatutu FP regula ona. 

“Knaar importante maka FP tenki mai beibeik servisu, maibe tuir oras, agora iha artigu 88 pontu 22 alinea C, koalia kona ba abandona servisu, wainhira funsionariu abandona servisu tui-tuir malu dadal 22 konsidera hanesan banadona servisu ne’e bele iha demisaun,” dehan Liborio.
.

Sem comentários:

Publicar um comentário

Nota: só um membro deste blogue pode publicar um comentário.