quarta-feira, 27 de fevereiro de 2013

“La Sama Husu Jornalista Labele Akuza Malu Arbiru De’it”

.

Notisia Husi TVTL - Tersa-Kalan, 26 Fevereiru 2013 

Vice Primeiru Ministru Fernando La Sama de Araujo hus ba jornalista iha teritoriu nasional atu labele akuza membru Governu sein evidensia maibe hakerek notisia bazeia ba faktus konkrovativus. 

Relasiona ho kazu Ministra Fiannsas Emilia Pires ne’ebe deskonfia fo projeitu ba nia laen kaben hodi sosa ekipamentu ba Hospital Nasional Guido valadares (HNGV), liu husi konferensia da imprensa Vice Primeiru Ministru husu ba jornalista sira tenki profeionalizmu no investigative hodi hakerek notisia no jornalista labele manipula informasuan no ignora prosesu nia hun. 

“Hanesan Vice Primeiru Ministru ne’ebe mak iha responsablidade atu esklaraese atu halakon duvidas, labele akuza malu arbiru deit, ne’e mos ba jornalista sira atu hakerek buat ruma, hakerek tuir faktus ne’ebe mak iha, servisu iha jornais laos para atu akuza malu, karik iha sorin ne’eba iha osan dua ribu ka tiga ribu ida, dehan ho hakerek lai buat ida ne’e, kona ba ida ne’eba, se hau rona ida ne’e, hanesan sidadaun hau triste tebetebes, kuandu buat hanesan ne’e akontese iha ita nia rain,” dehan La Sama. 

To’o oras ne’e Ministra das Finansas Emilia Pires la mosu iha publiku tamba ho razaun kazu alegasaun ne’ebe jornalista sira publika, atu rejolve problema ne’e, Fernando La sama promete, sei koalia ho Ministra das Finansas atu konvoka konferensia ho jornalista hodi esklarese kona ba problema ne’e. 

La Sama mos hatutan tan katak, karik kazu Ministra Finansas Emilia Pires iha evidensia forte kona ba korupsaun ne’e, Emilia Pires tenki responsabliza ba aktus ne’ebe komete. 
.

Sem comentários:

Publicar um comentário

Nota: só um membro deste blogue pode publicar um comentário.