quarta-feira, 27 de fevereiro de 2013

“La-Sama: Ministra Loloos Labele Nonok”

.

Jornal Timor Post - Tersa-feira, 26 Fevereiru 2013 

“Nu’udar figura publiku, Ministra loloos labele nonok kleur liu husi jornal no lakon tiha informasaun sira ne’e,” dehan Vice Primeiru Ministru La Sama liu husi konferensia imprensa iha nia knaar fatin, segunda (25/2). 

La-Sama hatutan, nia sei esforsu atu konvense fali Ministra Financas Emilia Pires par abele koalia ho Jornalista sira kna ba kazu ne’ebe deskonfia fo projeitu sosa ekipamentu Hospital nasional guido valadares (HNGV) ba nia la’en kaben, nune’e jornalista sira halo fali kobertura ba atividade governu nian, liu-liu Ministeriu Financas. 

“Loloos hau mai hamutuk ho Ministra Finansas para atu koalia ho imi jornalista sira, maibe bainaka barak maka tama ona, ne’e duni hau rasik mak hasoru malu ho ita boot sira,” La Sama dehan tan. 

Nia realsa, sei buka tempu nafatin atu komunika no organiza tempu para Ministra Finansas loke fali komunikasaun ida ne’ebe diak ho jornalista sira. Iha okaziaun ne’e, La sama hateten, assume responsablidade nuudar Vise Primeiru Ministru atu tau matan no buka atu kombate korupsaun, tanba ne’e, nia sei la servisu hamutuk ho ema koruptor sira. 

“IHa hau nia mandatu nuudar Vice Primeiru Ministru hau rasik la konkorda atu servisu hamutuk ho ema koruptor sira,” dehan nia. 

Maske kazu ne’ebe media publika katak, Ministra Fiannsasa halo korupsaun hodi fo projeitu ba nia laen kaben hodi atama material ba HNGV ne’e la tuir BOQ ne’ebe iha. 

Ho Publikasaun ne’e, La Sama husu ba media labele hakerek pedasku deit maibe tenki hakerek ho dadus sira. 

 “Jornalista nuudar meus ida atu kontrola social, ne’e duni presiza hakerek informasaun ho detallu, tanba se lae, media rasik halo ona pembunuahn karakter ba ema seluk,” La sama dehan tan katak, “ se karik terbukti nia sala, ne’e la defende malu”.
.

Sem comentários:

Publicar um comentário

Nota: só um membro deste blogue pode publicar um comentário.