quinta-feira, 21 de fevereiro de 2013

PR Taur Kontenti Tamba PM Xanana Hasoru Mari No Lu-Olo “Lideransa Timor Tenke Hamutuk Duni”

.

Jornal Nacional Diario - Kinta-feira, 21 Fevereiru 2013 

Konsensia Politik foun entre Bancada Opozisaun (FRETILIN) no bloku governu koligasaun ne’ebe akontese iha aprovasaun Orsamentu Jeral Estadu (OJE) 2013, iha Parlamentu Nasional (PN), foin lalais ne’e, sai hanesan publisidade ida hodi hatudu ba mundu internasional kona ba Timor Leste (TL) ninia unidade metin ba bebeik. 

Konjuntor politika ne’e tau momos kedas iha pratika aprovasaun OJE 2013 ho votus uminidade katak laiha vota kontra no abstensaun. Ambiente Politika ida ne’e, hetan louvor husi Primeiru Ministru (PM) Kay Rala Xanan Gusmao no Prezidenti Republika (PR) Taur Matan Ruak. Xefi Governu Kay Rala xanana Gusmao hateten katak, to’o ona tempu lideransa Timor nian tenki hamutuk duni hodi defende interese nasional ho estadu. 

“Prezidenti mos kontenti tamba hau mos harosu tiha ona senhor Mari Alkatiri, Senhor Lu-Olo kona ba problema ne’e, problema de interese kuandu to’o iha interese de Estadu, institusoens, lideransa Timor oan nian tenki hamutuk duni,” informa Primeiru Ministru Xanana Gusmao ba Jornalista sira hafoin hasoru malu ho Xefe Estadu Taur Matan Ruak, iha Palacio Prezidenti Aitarak laran Dili, Kuarta feira (20/2), wainhira informa kona ba ambiente politika ida ne’e ba Prezidenti Republika. 

Xefi Governu ne’e hatutan tan katak, PreZidenti Republika Taur Matan Ruak, kontenti tebe-tebes ho situasaun kunjuntor politik foun ne’ebe hatudu iha Parlamentu. Maibe, tuir Xanana Gusmao, problema mak la’os aprovasaun OJE 2013 ho unanimidade ne’e, maibe consensus entre opozisaun no bloku Governu Koligasaun hodi redus kredensia ba mina rai nian, tanba ne’e konkorda katak labele hasai liu husi 3%, ida ne’e pasu importante tebe-tebes, ida ne’e mos fo dalan ba kestoens interese nasional, fo hatudu katak Timor bele hamutuk,” hateten Xanana Gusmao. 

 Xefi Governu ne’e afirma katak, konjuntor politika ne’e lahamate demokrasia no lahamate opozisaun. “Ne’ebe ita iha konjuntor politika ida diak, ne’e lasignifika atu hamate demokrasia, lasignifika atu hamate opozisaun, la signifika katak ita hotu-hotu tui0tuir malu, lae! ida ne’e signifika liu demokrasia tamba demokrasia ne’e dala ruma hanoin katak, ita hakilar-hakilar maka demokrasia, mas lae, troka de opinoens hodi buka dalan ne’ebe diak ba ita tomak,” dehan Xanana Gusmao. 
.

Sem comentários:

Publicar um comentário

Nota: só um membro deste blogue pode publicar um comentário.