sexta-feira, 22 de fevereiro de 2013

“Sosiedade Sivil Husu PR Veta OJE 2013”

.

Jornal Independente - Sesta-feira, 22 Fevereiru 2013 

Sosiedade sivil sira husu Prezidenti da Republika, Taur Matan Ruak atu labele promulga orsamentu Jeral Estadu 2013, tanba la fo perioridade nesesidade baziku povu nian. 

Diretor Luta Hamutuk (LH), Mericio Akara hateten, tuir loloos redusaun orsamentu jeral ne’e haree ba nesesidade povu nian, laos halo redusaun ba fali infraestrutura baziku hanesan bee moos, saude no edukasaun ne’ebe durante ne’e sai nesesidade prinsipal ba povu ki’ik sira. 

Tanba ne’e, mak sira husu ba PR Taur atu veta orsamentu ne’e hodi haruka fila ba Parlamentu Nasional hodi deskute no haree fila fali redusaun ne’e pelumenus bazeia ba nesesidade baziku povu nian. 

“Se bele Prezidenti veta tiha orsamentu jeral 2013 nian ne’e, tanba halo redusaun la bazeia ba nesesidade infraestrutura baziku nian,” dehan Akara, iha Farol, Dili, (21/2). 

Tuir nia, debate orsamentu iha komisaun eventual la transparante, tanba debate ne’e taka ba publiku, diskusaun OJE ne’e hanesan atu hamaus malu entre membru Parlamentu Nasional no membru governu sira. 

“Taka ba publiku ne’e ami konsidera la dun konsistenti,” dehan Akara. Tanba ne’e, sira husu governu ho PN atu debate fali orsamentu iha tinan oin uza fali de’it sistema ne’ebe uluk nian. 
.

Sem comentários:

Publicar um comentário

Nota: só um membro deste blogue pode publicar um comentário.