segunda-feira, 18 de fevereiro de 2013

“SPTL Ameasa Trava Lian Materna”

.

Jornal Timor Post - Segunda-feira, 18 Fevereiru 2013 

Sindikatu Profesores Timor Leste (SPTL), deklara, sei trava implementasaun lian Materna iha ensino Baziku tanba Politika implementasaun ne’e rasik la kredivel no nakonu ho tendesiozu. 

“Ami kontinua afirma ami nia pozisaun kontra utilizasaun lian Materna iha eskola ensino Baziku tanba politika implementasaun lian maternal la kredivel no tendesiozu,” dehan Vice Prezidenti SPTL, Agustinho Soares, ba Jornalista sira iha eskola Ensinu Sekundaria 10 Dezembru Komoro, (15/2). 

Tuir Agustinho katak, implementasaun lian maternal presiza haree vantazen no dezvantazen ne’ebe liga ba iha sosiu cultural no politika iha Timor Leste laran iha Tempu agora no ba iha futuru. 

 “Ami dala barak ona hateten, lian maternal laos prioridade atu enkaixa sistema ensino hodi uza atu hanorin, tanba iha impaktu ne’ebe maka’as no iha kestaun balun ne’ebe presiza deskute klean,” tenik nia. 

Maske nune’e, SPTL husu ba Timor oan ne’ebe mata dalan ba lansamentu implementasaun lian Materna iha Distritu Manufahi tenki hola konsensu no tenki foti valoriza lian tetun nu’udar ;ian ofisial ne’ebe garante Unidade Timor oan durante ne’e. 

Vice Prezidenti SPTL dehan tan katak, SPTL hanesan jerasaun foun ne’ebe maduru ho esperitu konfrontabilidade atu bele servisu hamutuk hodi halo buat ne’ebe fo benefisiu ba Povu Timor leste tomak. 

“Ami hanesan jerasaun foun ne’ebe ho esperitu konfrontaldiade, katak buat ne’ebe los no iha benefisiu ba povuita hamutuk no buat ne’ebe sala laiha benefisiu ba povu ita tenki kontra,” hateten Agustinho. 
.

Sem comentários:

Publicar um comentário

Nota: só um membro deste blogue pode publicar um comentário.