quarta-feira, 27 de fevereiro de 2013

“TDD Hala’o Julgamentu Ba Gil Alves ”

.

Notisia Husi TVTL - Tersa-Kalan, 26 Fevereiru 2013 

Tribunal Distrital Dili (TDD) hala’o julgamentu kontinuasaun ba kazu Burla agravadu ne’ebe envolve husi eis Sekretariu jeral Partidu ASDT Gil da Costa Alves. 

Tribunal Distrital Dili Tersa Feira ne’e kontinua hala’o julgamentu ba kazu Burla agravadu ne’ebe envolve husi eis Sekretariu jeral Partidu ASDT Gil da Costa Alves no Henrique Pereira Carlos, bazeia ba osamentu ne’ebe aloka husi Ministeriu Financas ba Partidu ASDT, ba prosesu kampania iha eleisaun lejislativa ho montante rihun atus rua tolu nolu resin walu ho balun Dolares Amerikanu. 

Osan refere hala’o levantamentu husi parte Gil Alves ho montante rihun atus ida sia nolu resin lima dollar Amerikanu sein konesementu husi parte Joao Coreia ne’ebe hetan ona legalidade husi tribunal Rekursu. Julgamentu ba kazu refere, prezidi husi juis koletivu Jose Maria de Araujo, Duarte Tilman no Paul Teixeira. 

Entertantu, Jose Ximenes husi Ministeriu Publiku no Jose Manuel Guterres husi advogadu privadu. Iha julgamentu ne’e, arguidu Gil da Costa Alves no Henrique Carlos aprejenta testamunha nain 8 ne’ebe iha momentu ne’eba hanesan kordenador Partidu ASDT iha Distritu Aileu, Ainaro, Bobonaro, baucau, Dili, Ermera no Distritu Covalima. 
,

Sem comentários:

Publicar um comentário

Nota: só um membro deste blogue pode publicar um comentário.