quinta-feira, 21 de fevereiro de 2013

Vice PM La Sama “SES Tenki Iha Kompetensia Rezolve Problema CPD-RDTL”

.

Jornal Nacional Diario - Kinta-feira, 21 Fevereiru 2013 

Atu rezolve problema organizasaun massa CPD-RDTL iha Sub Distritu fatuberlihu, Distritu Manufahi, hodi okupa ema nian rain, Sekretariu Estadu Seguransa (SES), tenki iha kapasidade no kompetensia atu solusiona. 

Vice PM La sama hatutan, iha problema ne’ebe liga ba seguransa ne’ebe grave bele kontaktu ba Primeiru Ministru Kay Rala Xanana Gusmao nuudar mos Ministru Defeza no seguransa, maibe problema CPD-RDTL ladun boot, entaun SES mak tenki responsabliza tanba PM Xanana iha servisu barak maka presiza halo. 

“Hau hanoin liafuan ne’e mak ne’e, agora oinsa mak SES atu orienta PNTL no Sekretariu Estadu de Defeza atu halo sira nia servisu, laos PM mak to’o detallu hotu iha neeba? Mina litru hira ba halo buat hanesan ne’e, iha nivel sira ‘tertentu’ desizaun ne’e hatun husi Primeiru Ministru, mas agora se mak atu halo detallu, SES mak tenki halo nia servisu, kmandante PNTL mak hala’o nia serivu ba operasaun,” eslika La Sama ba Jornalsiat (20/2) iha Ministeriu Financas. 

La Sama dehan, nia parte la iha planu ruma atu dezloka ba Fatuberlihu hodi halo dialogu ho CPD-RDTL sira, tanba servisu ne’e partensia ba Administrador no servisu PNTL nian. 

“Iha ne’eba Policia halo ninia serviso, administrador sira iha ne’eba halo ninia serviso, iha ne’eba buat ida atu fo fiar ba sira iha kraik instituisaun ne’ebe mak sei iha Sekretariu Estadu nain rua, defeza ho seguransa atu haree servisu sira ne’e, laos buat hotu-hotu Prezidenti mak tenki tuun, laos Primeiru Ministru mak tenki tun, Vice PM mak tun ba, la’e, ami sei m uda sistema ida ne’e,” haklaken La Sama. 
.

Sem comentários:

Publicar um comentário

Nota: só um membro deste blogue pode publicar um comentário.